Bertso zahar batzuekin hasten den Bretainiarako bidaia

  • Bertso zahar batzuekin hasten den Bretainiarako bidaia
naiz.eus

  • DataUrriak 9
  • Gaia Arte eszenikoak

Euskal Herriaren eta Bretainiaren arteko antzekotasun kulturalak erakusten ditu «Kenavo, zaku bete urre!» (Pamiela) gazte literaturako lanak. Iñigo Ibarra bertsolariak idatzitako lehen fikziozko lana da, gazteek hizkuntzaz eta abenturaz gozatzeko sortu duena. 

Birramonaren birramonarenak ziren bertso zahar batzuk aurkituko ditu Mikel gazteak, eta horiek aztertuz Santurbeko baselizan altxor bat ezkutatuta dagoela ohartuko da. Bere lagun Anerekin batera abentura bat hasiko du orduan “Kenavo, zaku bete urre!” Iñigo Ibarraren gazteentzako liburuan.

«Ohikoak ez diren agertokiak erabili nahi izan ditut, –kontatu digu idazleak–; alde batetik, Iruñeko Iturrama auzoa, normalean ez delako eleberri batean agertuko. Iturrama aberatsen auzotzat hartzen da, baina badu bere alde ezkertiarra, kooperatibak eraikitako etxeak… Iturrama horren argazkia atera nahi izan dut. Odieta ere agertzen da, Ultzama ondoan dagoen bailara txiki ez oso ezaguna. Mendian Santurbeko baseliza dago, garai batean Aralarrekoak duen garrantzia izan zuena. Gero Baionara doaz eta gero Bretainiara».

Bertan Marilyn ezagutuko dute protagonistek, eta berak kultura bretainiarraren berri emango die. Izan ere, Ibarraren asmoa Euskal Herriaren eta Bretainiaren arteko antzekotasun kulturalak islatzea izan da. Adibidez, aipatzen da bertan ere badaudela ikastola modukoak, bretoieraren ofizialtasunaren aldeko elkarte bat, bertsolariak...

Informazio osoa iturriaren webgunean irakurri

Euskadi, auzolana