Ilustratzailearen Txokoa: Iker Ayestaranen erakusketa

Donostia-San Sebastián 2019(e)ko ekainaren 12(e)tik 2019(e)ko irailaren 15(e)ra
  • Ilustratzailearen Txokoa: Iker Ayestaranen erakusketa

Iker Ayestaranek diseinu grafikoa ikasi zuen Donostiako Arte Aplikatuen eskolan, eta ondoren argazkilaritza Amaiurgo eskolan. Txikitatik du gustuko marraztea. Eskolako liburuak marrazkiz betetzen dituen horietakoa zen. 16 urte zituela enkargatutako erretratuak egiten hasi zen ikatz-ziri eta pastelak erabiliz.

Hastapenetik, hainbat hedabide eta bezerorentzat egin du lan baina, batez ere, prentsako eta  aldizkarietako artikuluak ilustratzen aritu da. Bere lanak estatu mailako egunkarietan ikus daitezke La Vanguardia, El Correo eta Diario Públicon besteak beste, baita nazioarte mailako egunkari eta aldizkari ezagunetan ere: The New York Times, Fortune edo Variety.

Prentsan egindako lana eskola ere izan da aldi berean Ayestaranentzat. Izan ere, prentsak eskatzen duen bat-batekotasunak sormena garatzen lagundu dio. Ilustratzaile kontzeptuala dela esan daiteke, irudiaren gainetik mezuari ematen baitio pisua.

Bere irudiek 60ko hamarkadako estetika ekartzen dute burura, kolorea eta tipografia zentzu eta kontu handiz erabiltzen ditu. Testua bere eskuetara iristen denean irakurri eta ilustrazioa egiten lagundu diezaioketen hitz edo esaldiak azpimarratzen ditu. Bozeto azkarrak egiten ditu ondoren kontzeptu bat oinarri hartuta. Aukera ezberdinak irudikatzen ditu eta gustukoen duen hori aukeratzen duenean bozeto landuago batetik ordenagailura eramaten du eta bertan behin betiko ilustrazioa egiten du.

Film, film labur eta hainbat jaialditako kartelak (Ladri di Biciclette, Loreak, Poesia orduak 2017, Euskal Zine Bilera, 80 egunean…), liburuen azalak (Herido leve, Sangre en los estantes, Emakume abeslari burusoila,…), liburuak (Pequeños grandes gestos por la Ciencia, La metamórfosis, Paga extra…), egunkariak (The Washington Post, The Economist, The Boston Globe, The New York Times, The Guardian, Público, La Vanguardia, El Correo…), aldizkariak (Wired, Fortune, Variety, The Hollywood Reporter, Oxford University…) eta marka irudi ezberdinak (Brooklyn Beer festival, Estrella Galicia, Fifth Leg Wine, Bench...) sortu ditu Ayestaranek diseinu grafikoa eta ilustrazioa erabiliz. Ilustrazioak sortzeaz gain eskulturak ere egiten ditu egurra eta burdina erabiliz, horietako batzuk gainera, erakusleihoak apaintzeko aukeratu ditu arropa-denda kate garrantzitsu batek.

Txokoan, ilustratzailearen lanak erakutsiko dira orokorrean: eskultura, irudi, zirriborro eta liburuak, besteak beste.

  • Iker Ayestaranen webgunea: http://www.ikerayestaran.com/
  • Instagram: https://www.instagram.com/iker.ayestaran.ilustration
  • Facebook: https://www.facebook.com/ikerayestaranillustration/

Karlos Arguiñanorentzat egindako bideo animazioa: 


Laburrean

  • Mota Erakusketa
  • Data 2019(e)ko ekainaren 12(e)tik 2019(e)ko irailaren 15(e)ra
  • OrdutegiaAsteazkenetik ostiralera: 16:00?20:30. Larunbatetan: 10:00-14:00 eta 16:30-20:00. Igandeetan:10:00-14:00
  • Lekua Aiete Kultur Etxea
    DK. Aiete pasealekua, 63
    Donostia-San Sebastián
  • ZenbatekoaDoan
  • HizkuntzaBat ere ez
  • Web Aiete Kultur Etxea

Non

Euskadi, auzolana