2009an sortu zuen Berriak BADOK, euskal kantagintzaren ataria. Funtsean, euskal kantagintzari buruzko dokumentazio bilgune bat eskaini zuen lehen urteetan: musikari eta taldeen biografiak, diskografiaren fitxak, hitzen bilduma bat, historiaren laburpen bat eta kantu lagin bat.
BADOK atari berrituak balio horiek guztiak gordetzen ditu, baina, euskal musikaren aldeko lanean eraginkorragoa izan nahian eta etorkizunari begiratuz eta musika bera atariaren bihotzean jarriz, euskal musika ezagutarazteko eta suspertzeko plataforma bilakatu da, musika kontsumo eta hedapenaren aro digitalera egokituz.
Honako atal hauek ditu:
ALDIZKARIA
Kazetaritza espezializatuaren bidez heltzen dio euskal musikari. Atariaren zati bat webean garatutako musika aldizkari bati dagokiona da:
MUSIKARIAK
BADOK atari berrituan dena dago lotuta: musikariak, kantuak, diskoak, hitzak, diskoetxeak... Batetik bestera joan zaitezke, batak bestera eramaten du. Dena den, musikari edo talde bakoitzak espazio oso bat du. Bertan, erabiltzailearen eskura daude: diskografia, biografia, bideoak, hitzak eta talde erlazionatuak.
Abestirik berrienak, entzungai, plataforma digital ezberdinetatik ekarrita.
Abestien bideoak eta bideoklipak, ikusgai.
Agendarekin batera prestatutako zerrendak, kolaboratzaileek eta kritikariek egindakoak...
Euskal musikari begiratua, Eneritz Furyak eta Jagoba Salvadorren gidaritzapean.
Euskal kantagintzaren historiari buruzko artikuluak: kantagintza berriaren sorrera, euskal rock-and-rolla...
Nahiago baduzu, aplikazioa ere badu. Hemendik jaitsi dezakezu.