"Amour"

  • "Amour"

Ume batzuk jolasean ari dira dena hastear dagoen herrialdean. Mundua deskubritzen dabiltza, beren unibertsoa itxuraldatuz. Nagusiak imitatzen dituzte, ausart eta ozar. Maitatzeko gai direla sinistuta daude, maitasunaren sakonera arrotza zaien arren. Ez dute etsaitzeko erreparorik euren patriketan "gorroto" hitza oraindik topatuta ez badute ere. Badute usainen berri, badakite azala zer den, fereka, abandonua, aterpea, desioa. Denbora oraina da.

Eta bat-batean, hirurogetik gora urte igaro dira.

Orain, zaharturik, hitz mordoa ateratzen dituzte patriketatik, eta hosto lehorren gisan amiltzen zaizkie. Badute usainen berri, badakite azala zer den, fereka, abandonua, aterpea, desioa. Eta paradoxa: ezin etsaia lagun bihurtu maitasunaren egiazko esanahiaz aspaldi jabetu ziren arren. Badakite denbora iragana dela. Ez dakite, ordea, maitasunak beti ematen digula aukera bat.

Amour erronka handia da, balio eman nahi dio ume eta nagusiek elkarrekin gozatu ahal duten antzerkiari; emozioak, hausnarketa, zalantzak eta ziurtasunak partekatzeko lekua izan dadin. Helduen antzerkia umeentzat eta umeen antzerkia helduentzat.

FITXA TEKNIKOA

  • Dramaturgia eta zuzendaritza: Jokin Oregi
  • Aktoreak: Javier Renobales, Ana Martinez, Ana Meabe, Pablo Ibarluzea, Anduriña Zurutuza
  • Diseinu artistikoa eta eszenografiaren diseinua: Elisa Sanz (AAPEE)
  • Musika: Pascal Gaigne
  • Argi diseinua: Xabier Lozano
  • Maskarak: Javier Tirado
  • Jantziak:  Nati Ortiz de Zarate eta Edurne Ballesteros
  • Ilustrazioa: Ane Pikaza
  • Teknikoa giran: Javier García Kandela
  • Espazio sonoroa: Edu Zalio
  • Argazkiak: Guillermo Casas
  • Ekoizpena: TARTEAN Teatroa


Laburrean

Euskadi, auzolana