Jon Iaki Lasa vuelve a la literatura despus de 35 aos, publicando "Bidaiak", su tercer libro de poemas

  • Jon Iaki Lasa vuelve a la literatura despus de 35 aos, publicando
    Jon Iaki Lasa, atzo, Donostian, Bidaiak liburua aurkeztu aurretik. JUAN CARLOS RUIZ / ARGAZKI PRESS
berria.eus

  • Fecha13 de Septiembre
  • Temática Literatura

Jon Iñaki Lasa literatur plazara itzuli da 35 urteren ostean, 'Bidaiak' hirugarren poema liburua argitaratuta. Heriotza du ardatz nagusi
 
Oso gazte zela kolpatu zuen poesiaren harrak Jon Iñaki Lasa (Gernika, Bizkaia, 1963). Hogeiak bete gabe zituela argitaratu zuen Alizia eta biok (Ustela) lehen poema lana, 1982an, eta bi urte geroago, 1984an, Andaluziari ene bilduma (Susa-Kandela), bigarrena; eta kritikaren nahiz irakurleen artean harrera ona izan zuten. Ondoren, ordea, bere ibilbide literarioan etena eta isilunea iritsi ziren. Eten eta isilune luzeak, nahiz eta aldez edo moldez, beti jarraitu duen letra eta literatur kontuei loturik. Hizkuntzak eta literatura irakatsi ditu, besteak beste UNED-en, Lea Artibai Ikastetxean edo Mondragon Unibertsitatean, eta Komatxo artean literatur saioaren zuzendari eta aurkezle izan zen Bizkaia Irratian, 2002. eta 2006. urteen artean.

Eta duela gutxi berriro poesiaren kolpea; lehenik enkarguz jasoa, eta ondoren berak zizelkatu eta ondua. «Ez nintzen argitaratzeko asmoz idazten hasi. Osabari esan zioten gaixo zela, minbizia zuela. Bera ere literaturazalea zen, eta esan zidan ea zergatik ez nuen idazten gaixotasuna abiaburu hartuta», azaldu zuen Jon Iñaki Lasak berak atzo Bidaiak liburu berria aurkezteko Donostian egindako aurkezpenean. Osabaren gonbita erakargarri egin zitzaion, eta idazten hasi zen. Idazten hasi zitzaion. Osabari. «Aitzakia bat zen berekin egoteko, berekin bide bat egiteko, elkarrekin poesiaz eta beste kontuez aritzeko».

Poema bat idatzi, eta osabari bidaltzen zion, eta astean behin elkartzen ziren ondoren hartaz hitz egiteko. «Oso poesia irakurle ona zen. Eta haluzinatu ere egiten nuen bere irakurketekin. Eta ikusten nuen hain gustura: 'Arnasa ematen dit idazten duzunak», esaten zidan. Eta ikusten nuen hunkitu egiten zela batzuetan. Eta ni neroni ere hunkitu egiten nintzen. Eta jarraitzeko indarra eman zidan».

Leer información completa en el sitio web de la fuente

Euskadi, bien comn