Sopela Fest-ek ere jaialdi jasangarria izan nahi du

  • Sopela Fest-ek ere jaialdi jasangarria izan nahi du
    Nogen taldea jaialdi bizkaitarrean izango da / JORDI ALEMANY

  • DataAbuztuak 12
  • Gaia Musika

Uztailean jakinarazi zuten Euskal Autonomia Erkidegoan (EAE) antolatutako 60 jaialdi eta ekitaldi publiko edo pribatu jendetsuk baino gehiagok izango dutela aurten Erronka Garbia ingurumen ziurtagiria

Sopela Kosta Fest jaialdia ospatuko da irailaren 19tik 22ra bitartean eta jaialdiak bat egin du Ihobe erakunde publikoak ingurugiroaren kudeaketan sustatzen duen 'Erronka Garbia, Evento Sostenible' ekintzarekin, antolakuntzak jakinarazi duenez. Honen helburua ingurugiroan sor litezkeen eragin negatiboak murriztea da, eta era honetako ekitaldiak antolatu edota lankidetzan aritzen diren pertsona eta erakundeei ondare edo ikasgai positiboak uztea.

Jaialdiaren seigarren edizioak finkatu dituen helburu zehatzen artean da plastikoaren erabilera murriztea. Horretarako, berrerabili daitezkeen edalontziak edo biodegradagarriak banatuko dira, guztiak SKF-en eta 'Erronka Garbia'ren ikurrarekin. Dibulgazio lanak egiteaz gain, ontziok berreskuratu ahal izango dira, erabilera berriak emateko.

Jaialditik aditzera eman dute Hesian taldea eta El Canijo de Jerez direla aurten izango diren kartel buruak, eta oholtza gainean arituko dira Cooper, Tachenko, Nerabe, Nogen, Natali, Lukiek, Mississippi Queen and the Wet Dogs eta Larry Bird, besteak beste.

Informazio osoa iturriaren webgunean irakurri

Euskadi, auzolana