Loraldia sormen festibalaren seigarren edizioa Bilboko 15 gunetara iritsiko da

  • Loraldia sormen festibalaren seigarren edizioa Bilboko 15 gunetara iritsiko da
    Erakundeen ordezkariak eta jaialdiaren antolatzaileak, aurkezpen ekitaldian
eitb.eus

  • DataOtsailak 14
  • Gaia Ikusizko arteak, Arte eszenikoak, Musika, Ikus-entzunezkoa, Literatura

“Hamaika desira!” izango da Loraldia festibalaren aurtengo edizioaren leloa, eta gogora ekarriko ditu, besteak beste, Iparragirre, Sarrionandia, Agustin Xaho eta Fermin Muguruza.

Loraldia jaialdiaren seigarren edizioa aurkeztu dute gaur, Bilbon. Imanol Agirre Loraldia festibalaren zuzendari artistikoak ekitaldi horretan azaldu duenez, Loraldia Festibalak euskal kulturako zenbait erreferente izango ditu gogoan, hala nola Iparragirre, 200 urte beteko baitira aurten Urretxuko bardoa jaio zenetik; Joseba Sarrionandia; Agustin Xaho; eta Fermin Muguruza.

Baina nazioarteko hainbat pertsona ere ekarri eta beste begirada batez berrinterpretatuko ditu jaialdiak; izan ere, Bob Dylan euskal unibertsora eramango dute eta Lisboako fadoak ere plaza izango du Fernando Pessoa omentzeko.

Aurtengo edizioan, antzerkia, dantza, musika, literatura, zinema, gastronomia eta bertsolaritza izango dira 20 egunez.

Informazio osoa iturriaren webgunean irakurri

Euskadi, auzolana