Tabakalerak ikus-entzunezko zortzi proiektu hautatu ditu 2deo Sariaren 2020ko deialdian

  • Tabakalerak ikus-entzunezko zortzi proiektu hautatu ditu 2deo Sariaren 2020ko deialdian
    2deo ikus-entzunezko laborategia. (Gorka RUBIO I FOKU)
naiz.eus

  • DataEkainak 29
  • Gaia Ikus-entzunezkoa

Patrimonio Virtual SL, Euskal Wikilarien Elkartea, Kim Maiteny Munoa, Jone Arriola, Mirokutana Koop Elk. Txikia, La Traka Producciones, Carolina Cruz eta Pello Reparaz izangdo dira euren proiektuak garatu ahalko dituztenak.

Donostiako Tabakalera Kultura Garaikidearen Nazioarteko Zentroak 2deo Sariaren 2020ko deialdia ebatzi du, euskarazko ikus-entzunezko edukien 2deo laborategiaren bidez. Deialdira 99 proiektu aurkeztu dira eta horien artean zortzi hautatu dituzte. 2deoren deialdiaren helburua da ikus-entzunezko edukietan oinarritutako proiektuak garatu eta prototipatzea.

2deoko arduradunen arabera, «hirugarren deialdian parte hartze handia egon da. Gehienbat hautagai gazteak izan ditugu eta euskaraz proposatutako edukiak. Ondorioz, 2deoko laborategia finkatu egin da sormen espazio gisa, eta Euskadiko egungo ikus-entzunezko sektorearen leiho garrantzitsu bihurtu da».

Uztaila eta azaroa bitartean, 2deo laborategiak prestakuntza-saioak antolatuko ditu hautatutako ikus-entzunezko proiektuak aurre-ekoizteko. Gainera, aholkularitza profesionala eskainiko du edukia kontatzeari, lan prozesuei, proiektuak gauzatzeari eta jabetza intelektualari dagokienez. Hautatutako proiektu bakoitzak 4.000 euroko laguntza ekonomikoa izango du.

Informazio osoa iturriaren webgunean irakurri

Euskadi, auzolana