Gure Zirkuak Arrasaten jarraituko du bira eta 15 emanaldi eskainiko ditu irailaren 25etik urriaren 11ra

  • Gure Zirkuak Arrasaten jarraituko du bira eta 15 emanaldi eskainiko ditu irailaren 25etik urriaren 11ra
    Gure Zirkuak aurrera egingo du birarekin. (@GureZirkua)
naiz.eus

  • DataIrailak 16
  • Gaia Arte eszenikoak

Uztailaren 17an abiatu zuen Gure Zirkuak aurtengo bira, Orion. 13.000 ikusle baino gehiago bildu ditu Gure Zirkuak Orion eskainitako 43 emanaldietan, eta beste 600 Gozategi taldearekin elkarlanean egindako bi kontzertu berezietan. Ikusleen erantzunak bultzatuta, eta segurtasuna bermatu daitekeela ikusita, 2020ko birarekin jarraitzea erabaki dute.

Joan den uztailaren 17an abiatu zuen Gure Zirkuak aurtengo bira, Orion, zailtasun eta ziurgabetasun handiko egoeran, eta taldeak aurtengo zituen asmo eta helburuak erabat zapuztuta.

«Halere, Orioko egonaldiak agerian utzi du posible dela covid-19ak eragindako egoeran ere emanaldiak modu seguruan eskaintzea eta aurreko urteetan bezala zirkuaz gozatzea», nabarmendu dute. 13.000 ikusle baino gehiago bildu ditu Gure Zirkuak Orion eskainitako 43 emanaldietan, eta beste 600 Gozategi taldearekin elkarlanean egindako bi kontzertu berezietan, «segurtasun osoz, testuinguruak ahalbidetzen zuen normaltasunaren barruan, eta inolako arazorik gabe».

Gauzak horrela, Gure Zirkuak 2020ko birari jarraipena ematea erabaki du, eta Arrasaten eskainiko ditu udazkeneko lehen emanaldiak, orain arte hartutako neurri eta erabaki nagusiei eutsita. Hain zuzen, osasun agintariek ezarri duten gutxieneko segurtasun distantzia betetzeko asmoz, Gure Zirkuak aurten Portugaldik ekarri duen karpa jarriko du Arrasaten: aurreko biretan erabilitakoaren halako bi da, banakako eserlekuak ditu, eta bizikidetza unitateen artean gutxieneko 1,5 metroko gutxieneko distantzia fisikoa errespetatzea ahalbidetzen du.

Informazio osoa iturriaren webgunean irakurri

Euskadi, auzolana