"Amaren intxaurrak", heriotza ardatz hartu dute Pirritx, Porrotx eta Marimototsek proiektu berrian

naiz.eus

  • DataAzaroak 20
  • Gaia Arte eszenikoak

Umeentzat ez ezik, helduentzat eta komunitatearentzat tresna izan nahi du ‘Amaren intxaurrak’-ek. Heriotza zer den azaldu, nola kudeatu eta nola bizi, hori delako, bizitzaren parte naturala. Disko-ipuina argitaratzeaz gain, ikuskizuna ere prestatu dute.

Ibilbide luze eta oparoan, askotariko gaiak landu dituzte Pirritx, Porrotx eta Marimototsek, batzuk xamurrak, besteak gaziak, baina denak beharrezkoak inguratzen gaituen mundua ulertzeko, bizitzaren beraren parte diren atal horiek ulertzeko. Eritasunak, familia ereduak, natura, maitasuna, adiskidetasuna… eta orain heriotza, bazelako honetaz mintzatzeko garaia, adierazi dutenez.

Ostegun honetan aurkeztu dute ‘Amaren intxaurrak’ proiektua, disko eta ipuinaz osatua. Lehenengoan hamabost kanta jaso dituzte, beren ibilbidean zehar egindakoak eta gaiari laguntzen diotenak. Xabier Zabalak egin du musika eta sortzaile ezberdinen hitzekin osatu dira. Bigarren atala, ipuina alegia, Julio Soto bertsolariak idatzitakoa da eta Maite Mutuberria ilustratzaileak irudiz jantzitakoa.

Istorioak Marimototsek bizi duen galera bat kontatzen du, bere ama Loretorena. Intxaurrondo bat landatuko dute lur eta errautsekin eta handik hiru udazkenera lehen fruituak ematen hasiko da arbola. Intxaur goxoak dastatzen dituzten momentura eramango gaitu istorioak. Amak inoiz bakarrik utziko ez duenaren promesa egiten dio alabari hil aurretik… eta bere hitza beteko duela ikusiko du Marimototsek.

Informazio osoa iturriaren webgunean irakurri

Euskadi, auzolana