Atlantikaldia jaialdiak datozen hilabeteetarako mugarriak aurkeztu ditu

  • Atlantikaldia jaialdiak datozen hilabeteetarako mugarriak aurkeztu ditu
    Jaialdiaren balorazioa eta datorrenaren berri eman dute ostegun honetan. (Atlantikaldia)
naiz.eus

  • DataAzaroak 20
  • Gaia Musika

Errenteriako Atlantikaldia jaialdiak orain arte eman duenaren balorazioa egiteaz gain, arduradunek datozen hilabeteotan emango duenaren berri azaldu dute ostegun honetan. Kultur aniztasuna oinarri, udazkenetik hasi eta 2021eko ediziora bitartean ekimenak antolatzen hasi dira.

Irailaren 24tik 26ra musika jaialdi moduan hartu zuen Fanderian kokatutako eszenatokia Atlantikaldiak. Kultur Topagune gisa, hala ere, «asko du emateko oraindik 2020ko edizioak». Jaialdiak orain arte eskaini duenaren balorazioa egiteko eta datozen hilabeteotan emango duena aurkezteko agerraldia egin dute ostegun honetan arduradunek.

Ion Collar Kultura zinegotziak onartu duenez, aurten egindako ibilbidea «ez da erraza izan» ziurgabetasunak baldintzatu baitu jaialdia bai kanpora begira baita barrura begira ere. Hala ere, antolakuntza taldea «pozik» agertu da aurtengo edizioak orain arte utzitakoarekin: «zailtasunak zailtasun, egoera bakoitzeko irizpideetara moldatu gara, eta jaialdiak aurrera egin du».

Egoerak hainbat aldaketa eragin zituen, besteak beste, estreinakoz, musika kontzertuetarako sarrerak gonbidapen bitartez kudeatu dira osasun eta segurtasun neurriak bermatu eta aforoak kontrolatzeko. Gainera, pandemiak bakarrik ez, eguraldi txarrak erabat baldintzatu zuen, adibidez, irailaren 24tik 26ra programatutako egitaraua. Arazoak arazo, baina, taula gainean aritutako musika taldeen zuzenekoen maila goraipatu nahi izan dute, hala nola Itsas elkarrizketek «eskainitako esperientzia aberatsak».

Informazio osoa iturriaren webgunean irakurri

Euskadi, auzolana