Musikaz omenduko dute Iparragirre, jaio zeneko bigarren mendeurrenean

  • Musikaz omenduko dute Iparragirre, jaio zeneko bigarren mendeurrenean
    Arriaga antzokiko emanaldia atzo aurkeztu zuten sustatzaileek. M. RAMIREZ / FOKU
berria.eus

  • DataAzaroak 20
  • Gaia Musika

Jose Mari Iparragirre gogoan, Gontzal Mendibilek kontzertua egingo du Bilboko Arriaga antzokian, hilaren 29an. Beste hainbat musikari batera ariko dira oholtza gainean Donostian, Eibarren eta Urretxun

Jose Mari Iparragirre jaio zela bi mende bete ziren joan den abuztuan. Musikaria omentzeko hainbat ekitaldi izan dira ordutik, eta, asmo berarekin, kontzertu sorta bat ere egingo dute datozen egunotan. Batetik, Gontzal Mendibil Bilboko Arriaga antzokian ariko da hilaren 29an, musikariak berak sustatu duen kontzertuan. Eta, bestetik, hainbat musikarik beste hiru emanaldi egingo dituzte Gipuzkoako beste horrenbeste udalerritan, foru aldundiak sustatuta. Denetan Iparragirreren musika izango dute gogoan.

Mendibil Iparragirre gisa karakterizatuta igoko da Arriagako oholtzara, eta haren hainbat kantu interpretatuko ditu. Ez da, ordea, bakarrik egongo: beste 46 musikariren laguntza izango du. Bilboko Musika Banda eta Bilboko Koral Elkartea ez ezik, Marife Nogales eta Ainhoa Tabuyo abeslariak nahiz Gorka Hermosa akordeoi jotzailea ariko dira kontzertuan, besteak beste.

Beste berezitasun bat ere izango du Arriagako kontzertuak: Iparragirrek Bilbori eskainitako Bilbao eta fueruak pakearentzat poema musikatua lehen aldiz plazaratuko dute. Izan ere, autorearentzako berezia zen Bilbo, Mendibilek azaldu duenez: «Lotura handia izan zuen Bilborekin. Euskaldunon ikur bilakatu den Gernikako Arbola kantuaren lehen notak bertan eman zituen. Hirian hainbat lekutan kantatu zuen, eta oso famatu egin zen. Bilbori poema eder asko eskaini zizkion».

Informazio osoa iturriaren webgunean irakurri

Euskadi, auzolana