Aldi baterako itxiko dituzte Cinesa kateko zinemak

  • Aldi baterako itxiko dituzte Cinesa kateko zinemak
zinea.eus

  • DataUrtarrilak 14
  • Gaia Ikus-entzunezkoa

Osasun krisiak eragindako neurri murriztaileen eta estreinaldi komertzialen faltaren eraginez, hainbat izan dira aldi baterako ixtea erabaki duten zinema areto komertzialak. Horietan azken, Cinesa kateko EAEko aretoak izan da, printzipioz, urtarrilaren 28ra arte jarduera etengo duela iragarri baitzuten aste hasieran.

Zinema aretoentzat garai oparoa izaten da honakoa, euriak eta hotzak eraginda, ikus-entzule asko hurbiltzen baitira arratsalde tristeei erremedioa jartzera. Covid19-aren pandemiak, ostera, hori ere aldatu du, eta edukieraren murrizketak zein nazioarteko film handien estreinaldien gabeziak herritarrak etxean geratzera eraman ditu. Hala, Cinesa kateak Euskadin dituen aretoak aldi baterako itxiko dituela iragarri du, eta Urbil merkataritza guneko zortzi, Barakaldoko Max Ocio zentroko hamasei eta Deustuko Zubiarteko beste zortzi antzokiei eragingo die neurriak.

Etenaldia hiru astekoa izango da oraingoz, urtarrilaren 28ra arte, baina garaian garaiko datuen arabera, neurria luzatzeko aukera ere aztertuko dute.

Informazio osoa iturriaren webgunean irakurri

Euskadi, auzolana