Euskal idazle egonaldia Nekatoenean

  • Euskal idazle egonaldia Nekatoenean

Hamahirugarren urtez segidan, Euskal kultur erakundeak, CPIE Euskal Itsasbazterrak eta Euskal Idazleen Elkarteak euskarazko literatura sorkuntza egonaldi bat proposatuko dute hilabete batez 2023ko udazkenean Abbadia Eremuko Nekatoenea baserrian. Horrez gain, bigarren hilabeteko egonaldia eskaintzen da Pasai Donibaneko Hugoenea etxean. Egonaldi hau euskal egile guziei zuzendua da. Hautagaitza aurkezteko epea: ekainaren 10a.

Euskarazko literatura sorkuntza sostengatzeko asmoarekin, Euskal kultur erakundeak, CPIE Euskal Itsasbazterrak eta Euskal Idazleen Elkarteak, haien indarrak bateratzen dituzte aurten ere idazle euskaldun baten egonaldia antolatzeko Abbadia Eremuko Nekatoenean, eta Pasai Donibaneko Hugoenean.

2023an, Pierre Loti idazle ospetsuaren heriotzaren mendeurrena ospatzen da. 30 urtez Hendaian bizi izan zen, Bidasoaren ertzean amarratua den Javelot kanoiontziaren gidaritzapean. Antton d’Abbadie-ren emaztea den Virginie Vincent de Sant Bonnet-ren gandik hurbil, Euskal Herriarekin lotutako testu eta liburu zonbaitzuk idatzi zituen. Horrien artean, bere lanik ezagunena, Ramuntcho famatua da, baina 1908-an argitaratutako L'agonie de l'Euskal Herria artikuluaren idazlea da ere.

Idazle hau omentzeko, aurten, hiru partaideek deialdia Pierre Lotiren pertsonaiaren inguruan zentratzea proposatzen dute, baina batez ere hari lotua den gai bat edo gehiago jorratzea: bidaiak, munduaren esplorazioa, exotismoa, han eta hemen...

Deialdia euskaraz idazten duten horizonte guzietako autoreei zuzendua da. Literatura formaren hautua libre uzten bada ere (ipuina, eleberri laburra, poesia, komikia, antzerkia, bertsoa, alegia, erran zaharra…), literatura sorkuntzak Pierre Lotiren pertsonaiarekin lotua den gai bat edo gehiago jorratu beharko ditu nahitaez.

2023ko urriaren eta abenduaren artean, hilabete batez Abbadia Eremuko Nekatoenea etxean eta beste hilabete batez Pasai Donibaneko auzoaren erdi-erdian kokatua den Hugoenea etxean apartamendu bat beretako izateaz gain, autoreak 3 000 euroko dirulaguntza ukanen du.

Hautagaiek ekainaren 10a arte dute heien burua aurkezteko.

eke.eus

  • Epea 2023(e)ko Maiatzak 8(e)tik 2023(e)ko Ekainak 10(e)ra
  • EntitateaEuskal kultur erakundea, CPIE Euskal Itsasbazterra eta Euskal Idazleen Elkartea
  • Deialdi-motaEgonaldiak eta mentoring-a
  • SektoreaLiteratura
  • JardueraSorkuntza
  • OnuradunakPertsona fisikoak
  • Info Gehiago

Fitxa honen asmoa informazioa ematea baino ez da, eta ezin da, inola ere, indarrean dagoen lege-testuaren ordezkotzat hartu. Kulturklikek edukia eguneratzeko eta zuzentzeko eskubidea du, eta ez du horren inguruko erantzukizunik hartuko bere gain.