• Kontzertua Atabal areto mitikoan egingo da abenduaren 17an, bere anaia Iñigo Muguruzak 60 urte beteko zituen egunean

• Muguruzak bi kontzertu berri eskainiko ditu Dublinen eta Meridan

• Kontzertu berrietarako sarrerak ostegun honetan, irailaren 5ean, jarriko dira salgai, 09:00etan, www.muguruzafm.eus webgunean

Fermin Muguruza euskal artistak iragarri duenez, 11 urtez nazioarteko birarik egin gabe egon ondoren, 40. urteurreneko birari hasiera emateko, kontzertu berezi bat eskainiko da Biarritzeko Atabal aretoan. 2024ko abenduaren 17an izango da, Iñigo Muguruza bere anaiak, Kortatu eta Negu Gorriak-en sortzailekideak, 60 urte beteko zituen egunean. Iragarpen honen data ere ez da hutsala izan, gaur betetzen baitira 5 urte bere anaia Iñigo hil zela.

Horrela, eta mundu osoan zehar pabiloi handietan jotzeko egingo duen biran murgildu aurretik, Muguruzak Ipar Euskal Herriko areto honetan kontzertua eskainiko du. Kontzertu hori 16.000 lagunentzat Bilbon emango dituen kontzertuak baino hiru egun lehenago izango da.

Gainera, ez da nobedade bakarra izango; izan ere, Muguruzak atzo iragarri zuen birarako bi kontzertu gehiago gehituko dituela, Dublinen (apirilak 25 – Button Factory) eta Meridan (maiatzak 10 – IFEME). Hiru kontzertu berrietarako sarrerak gaur, irailak 5, jarriko dira salgai, goizeko 09:00etan, www.muguruzafm.eus  webgunean.

Bira honek 40 urte baino gehiagoko ibilbide musikal osoa errepasatuko du, eta Europa, Amerika eta Asiako hainbat hiritara iritsiko da, Kortatu eta Negu Gorriaken hastapenetatik hasi eta bakarkako lan berrienetako abestiak errepasatuz.

2024

ABENDUA

17 BIARRITZ – Atabal

20 BILBO – Bilbao Arena (sold out)

21 BILBO – Bilbao Arena (sold out)

2025

URTARRILA

17 LA LAGUNA (Tenerife) – Espacio Cultural Aguere

18 LA LAGUNA (Tenerife) - Espacio Cultural Aguere (sold out)

24 BARTZELONA – Palau Sant Jordi

OTSAILA

15  MADRIL  - Wizink       

MARTXOA

15 SANTIAGO DE COMPOSTELA - Fontes do Sar

21 PARIS - La Cigale

22 BORDELE - Salle du Grand Parc

28 TOLOSA (TOULOUSE) - Le Bikini

29 MARSEILLA - Espace Julien

APIRILA

12 ZÜRICH  - Rote Fabrik

24 LONDRES  - Scala

25 DUBLIN  - Button Factory

MAIATZA

10 MÉRIDA - IFEME

16 BERLIN - SO36

20 SANTIAGO DE CHILE – Teatro Cariola

22 MONTEVIDEO  - Sala del Museo del Carnaval

24 BUENOS AIRES – Estadio Obras

28 BOGOTA – Calle 13

31 MEXIKO – Skatex (Texcoco)

EKAINA

07 ERROMA – Circolo Concetto Marchesi

14 DONOSTIA – ANOETA ESTADIOA/Reale Arena

UZTAILA

23 TOKIO - Radical Music Network Festival

URRIA

04 Azken kontzertua