• Ekitaldi kulturala ekainaren 13an eta 14an ospatuko da, 19:30etik 00:30era, 34 proposamen artistiko, kalez kale ibiltzen diren ikuskizun eta talde koral nahiz instrumentalekin, hainbat kale, zubi, kaialde eta kultura-gunetan

• Gau Zuriak publiko guztientzako programazio irisgarria eskaintzen du, tokiko garapen iraunkorreko ereduarekin bat eginda

• Ekitaldia Bilboko Udalak uriaren 725. urteurrena ospatzeko antolatutako jardueren barruan kokatzen da

Gau Zuria ekitaldi kulturalak Bilbo argiztuko du uriaren Fundazioaren 725. urteurrenaren ospakizunen barruan. Bilboko alkate Juan Mari Aburtok aurkeztu du gaur goizean programazio osoa prentsaurrean, Kultura eta Gobernantza zinegotzi Gonzalo Olabarriarekin eta Gau Zuriaren zuzendari Begoña Escribanorekin batera.

"Bilbo hiri bizia, irekia eta etengabeko eraldaketan dagoena da, eta bere nortasuna kultura-proposamen berritzaile eta abangoardistei harrera egiteko gaitasunak markatzen du. GAU ZURIA horren adibide argia da, eta uriaren 725. urteurrena ospatzeko eszenatoki ezin hobea. Ekainero bezala, Bilbo argiaren eta sormenaren agertoki bihurtzen da, bilbotarrentzat eta bisitarientzat topagune bat izanik, eta munduari hiri moderno eta etengabeko egokitzapenean dagoen baten irudia eskaintzen dio", azaldu du alkateak.

Ekitaldia datorren asteburuan ospatuko da, ekainaren 13an eta 14an, ostirala eta larunbata, 19:30etik 00:30era. Herritarrek 34 proposamen artistikoz gozatu ahal izango dute, artea, diseinua eta teknologia uztartzen dituzten esku-hartze artistiko, argiztapen-lan, ikuskizun ibiltari eta talde koral nahiz instrumentalekin.

Jarraitu irakurtzen

Liburuxka (PDF - 2,47 MB)