KARRIKAN Kaleko Arteetan Euskal Herriko artista berrien sorkuntza eta hedapena bultzatu nahi duen plataforma bat da.

Karrikan honako hauek osatzen dute:

Bazkideak: Kalealdia Jaialdia (Bilbo), Kaldearte Jaialdia (Gasteiz), Maiatzeko Antzerki Jaialdia (Hendaia), Umore-Azoka (Leioa) eta Antsoaingo udalerria.

Bazkide elkartuak diren Jaialdiak eta udalerriak: Arrigorriaga, Lezo, Kalerki Jaialdia (Zarautz), Kaleka Jaialdia (Lekeitio) eta Ribera en Danza Jaialdia (Nafarroa).

Elkartutako egoitzak: Dantzagunea (Errenteria), Garaion-Sorgingunea (Otaza, Araba) eta Zirkodomo (Bagatza, Bizkaia).

Zer babestu nahi du?

Plataforma honek Euskal Herrian (7 probintzia historikoetan) kokatuta dauden eta espazio publikoan jarduten duten talde, artista eta konpainia berrien sorkuntza originalak sustatu nahi ditu. "Kaleko arteen" nozioari balio berezia emango zaio. "Zuzeneko ikuskizunaren" diziplina guztiak onartuko dira: antzerkia, dantza, zirkua, diziplina anitzekoa, etab. Hala ere, lehentasuna emango zaie euskarazko edo testurik gabeko proiektuei. Azkenik, formatu txikiko edo ertaineko ikuskizunak baloratuko dira.