• Mariú Lombardi Bilbon dago azaroaren 19ra arte, 'Menstruopía' proiektua garatzen, Etxe Betean

• Tamara Lucarini Pakistanen dago Neela Asmaan egoitzan 'La gotera' proiektuarekin

Etxe Betea proiektua, 2025-2026 ikasturte honetan, nazioarteko irismen handia izaten ari da bere egoitzei esker. 'A Shelter of One's Own' filmaren lehen edizioan emakume palestinarren lau proiektu hautatu dituzte: Safaa Khatibek 'A different colour of sabir', Shuruq Harbek 'Al Mashrou', Amal Al-Nakhala 'Delusion ilussion' eta Shereen Abedaleem Karem 'the Memory of the City'. Safaa Khatibek Bilbon dihardu dagoeneko bere proiektua garatzen. Egoitzak YARAN Foundation-en laguntza du bisatuen eta alderdi logistikoen kudeaketan.

Gainera, azaroaren 19ra arte, Maria Eugenia (Mariú) Lombardi argentinarra, 'Two Week International Residency'-ko kidea, Bilbon izango da, 'Menstruopia' fikziozko film luzea egiten, Ana Hormaetxeak gidatuta. Bestalde, Tamara Lucarini Pakistanen dago une honetan, Sharmeen Obaid Chinoyren 'Neela Asmaan' egoitzarekin elkartrukean, 'La gotera' proiektua garatzen.

Natalia Grande eta Alba Lozano dira 'Gela bat norberarena' erresidentzian euren proiektuak garatzen ari diren emakume zinegileak. Alazne Astorga, Noelia Chañe, Adriana Laespada, Ana Serna, Zaira Zanguitu, Jone Arriola, Carmen Echeverria, Bego Merino, Saioa Miguel, Itsaso Pol eta Paula Olaz dira 'Elkarrekin sortzen' ekimeneko lantaldeak.

A SHELTER OF ONE'S OWN

Safaa Khatibek Arte Ederretan lizentziatua, Argazkigintzan espezializatua eta Ikasketa Zinematografikoetan masterra du. Bere lana nazioartean erakutsi da Brusela, Casablanca, Paris eta Madrilgo hainbat galeria eta erakusketetan. 'The Braids Rebellion' proiektua Washington D. C.-ko Middle East Institute-n aurkeztu zen. Gainera, Parisko La Cité internationale des arts, Italiako UNIDEE - Cittadellarte egoitzetan eta Madrilgo Mataderoko egoitza artistikoen zentroan ere parte hartu du. 'A Shelter of One's Own' egonaldian garatzen duen proiektua 'A different colour of sabir' da.

Shuruq Harb Ramallahn (Palestina) bizi den artista, zinemagile, irakasle, idazle eta editorea da. Bere praktika artistikoa online kultura bisualean zentratzen da eta ibilbide subertsiboak trazatzen ditu iruditerien zirkulazioaren bidez. 2020an, bere lehen kontakizun laburra argitaratu zuen, eta bere lanik berriena, 'The Jump', Bartzelonako Antoni Tàpies Fundazioan aurkeztu zena.  Bere 'The White Elephant' film laburrak Film labur Onenaren saria irabazi zuen Pariseko Cinéma du Réel Zinemaldian 2018an. Gaur egun, 'Al Mashrou' garatzen ari da.

Ingeles Literaturan lizentziatua da Amal Al-Nakhala. Bere obrak palestinarren esperientziaren esplorazio sakona eskaintzen du, historia, memoria eta identitatea nahastuz diziplina anitzeko ikuspegiaren bitartez. Pieza bakoitza bere herriaren izpiritu hautsiezinaren testigantza da, bere borrokak, itxaropenak eta nahiak etengabeko zorigaitzaren erdian erretratatuz. Al-Nakhalaren sorkuntzek adierazpen kultural eta politiko gisa jokatzen dute, Palestinako kausaren inguran atentzioa eman dezaten. 'Delusion ilussion' proiektuarekin ari da lanean 'A shelter of One’s Own' filmean.

Shereen Abedalkareem artista bisual eta arkitektoa da, eta bere diziplinarteko praktikak espazioaren, memoriaren eta identitate kolektiboaren arteko harremana aztertzen du.  Marrazkia, eskultura, bideoa, 3D modelatua eta errealitate birtuala landu ditu. Lekualdaketari, pertenentziari eta istorio pertsonalei buruz hausnartzen duten narratiba espazial kritikoak eraikitzen ditu, tresna digitalak integratuz, hala nola errealitate birtuala eta metabertsoak. Orain, 'The memory of the city's face' proiektua garatzen ari da.