Bilboko Udalak antolatutako FANT - Bilboko Zinemaldi Fantastikoak gaur irekiko du lanak aurkezteko epea, 2026ko maiatzaren 8tik 16ra egingo den hurrengo edizioan parte hartu ahal izateko.

Sail Ofizialean parte hartuko duten filmak aurkezteko epea otsailaren 7an amaituko da. Lanak Movibeta Festival (www.festival.movibeta.com) edo FestHome (www.festhome.com) webguneen bidez bidali ahal izango dira. ZInemaldiaren hurrengo edizioan parte hartzeko oinarriak eta lanen aurkezpen-prozesuari buruzko informazio guztia FANTen webgunean kontsulta daitezke: www.fantbilbao.eus.

FANTen 2026ko edizioak honako sari hauek izango ditu:

• Sail Ofizialeko film luzerik onenen sariak.
• Ikusleen saria Sail Ofizialeko film luzerik onenari.
• Euskal Gidoigileen Elkartearearen saria, Sail Ofizialeko film luzeen gidoirik onenari.
• Sail Ofizialeko film luzeen zuzendari berritzaileenaren saria, FAS Zineklubarekin elkarlanean.
• Panorama FANTastikoa Saileko film luzerik onenaren saria.
• FANTrobia, Ohorezko FANT eta FANTeko Izarra sariak.
• Euskal Aktoreen Batasunaren saria, FANT-Euskal Film Laburrak Saileko antzezpenik onenari.
• Sail Ofizialeko eta Panorama FANTastikoa saileko film laburrik onenen sariak.
• Euskarazko film labur baten ekoizpenerako proiektu onenaren saria.
• Sail ofizialeko Europako Fantasiazko Film Labur Onenaren ZILARREZKO MÉLIÈS Saria, URREZKO MÉLIÈS sarira sailkatzen duena.

DIRU-ZUZKIDURA

FANT EN CORTO Sail Ofizialeko film labur onenaren eta euskal film labur onenaren epaimahaien sariak 3.000 euro eta 2.500 eurokoak izango dira, hurrenez hurren. Bestalde, sail bereko film labur onenaren publikoaren saria 3.000 eurokoa da, eta "Panorama FANTástico en Corto" Saileko film labur onenarena, berriz, 1.750 eurokoa. Euskarazko film labur bat ekoizteko aukeratutako proiektuak 5.000 euroko saria jasoko du.

Gainerako sari guztiak ohorezkoak izango dira eta garaikur oroigarri bat izango dute.