• Cira Crespo historialari eta kazetaria izan da Santiago Onaindia Ikerketa Bekaren XIX. edizioan bekaduna. Bere proposamenaren helburua da 1899 eta 1922 urteen artean emakume euskaldunen pizkunde literarioaren sustraiak ikertzea eta gizarteratzea, garaiko emakumeek euskaraz idatzitako lehen testuak aztertuz

• Bestalde, "Lourdes Iriondo, Bide-urratzaile" lana ere aurkeztu da, Alexander Gurrutxaga eta Lorea Jainaga ikerlariek bekaren XVIII. edizioan garatutako ikerketa. Lan horrek Lourdes Iriondoren ekarpen musikal eta literarioa jorratzen ditu, eta bereziki Iriondok oraindik finkatu gabe zegoen euskal literatura sisteman izandako aitzindari papera nabarmentzen du

Amorebieta-Etxanoko Udalak Santiago Onaindia Ikerketa Bekaren XIX. edizioko bekaduna aurkeztu du gaur goizean udaletxeko Etxano aretoan egindako prentsaurrekoan. Beka horren helburua da euskarazko sorkuntza intelektuala bultzatzea eta euskal literaturari begirada berriak ematea.

Edizio honetako bekaduna Cira Crespo historialaria eta kazetaria da. Hamarkada bat baino gehiago darama Euskal Herrian bizitzen, eta ibilbide luzea du euskal historia ikuspegi feministatik zabaltzen. Bere proiektuaren izenburua honakoa da: "Euskal emakumeen pizkunde literarioaren sustraiak (1899-1922). Irakurketa dekolonial bat". Lan honen helburua da emakumeek euskaraz idatzitako lehen literatura-testuak berreskuratzea eta aztertzea, Emakume Abertzale Batza sortu aurreko aldian.

Jarraitu irakurtzen