Deialdi honen helburua Zumarragako jai eta kultur ekintzak bultzatzeko programei emango zaizkien laguntzak arautzea da. Laguntza ekonomiko hauek irabazi-asmorik gabeko taldeei emango zaizkie 2026an jai eta kultur programa eta ekintzak aurrera eramateko, betiere proiektu eta ekintza hauek bat badatoz Kultura eta Jai Batzordearen asmoekin.       

Dirulaguntza eskaerak aurkezteko epea:

* Kultur jarduerak: 20 egun natural, oinarriak Gipuzkoako Aldizkari Ofizialean argitaratzen direnetik:

a) Proiektu artistikoak, film laburrak, bideoklipak edota audio grabaketak: 2026ko ekainaren 26a baino lehen.

b) Santa Isabel jaietan edo auzoetan egingo diren Jaietako jarduerak:

- Maiatzaren 31 bitartean egingo diren jarduerei dagokienez, 2026ko apirilaren 10a baino lehen.

- Ekainaren 1a eta uztailaren 31 bitartean egingo diren jarduerei dagokionez, 2026ko maiatzaren 22a baino lehen.

- Irailaren 1a eta abenduaren 31 bitartean egingo diren jarduerei dagokionez, 2026ko uztailaren 3a baino lehen.