Vianako Printzea Erakundeko zuzendari nagusi Ignacio Apezteguiak Zizur Nagusiko Kultur Etxean egindako Sendaberri Zirkuituaren programazioaren aurkezpenean parte hartu du. Bertan izan dira Asier Costa Sareko presidentea, Irantzu Zabalza Kultura eta Euskara zinegotzia, Iker Bengotxea zirkuituaren kudeatzailea eta programazioan parte hartu duten Nafarroako konpainia batzuetako ordezkariak.
Ziklo honen helburu nagusia da sareko espazio eszenikoen arte eszenikoen eskaintza aberastea eta osatzea, beren hizkuntza edo gaiengatik agendetan ohikotasunez sartu ohi ez diren proposamenen programazioa bultzatuz. Edizio honetan, Nafarroako Gobernuak 115.300 euroko aurrekontua bideratu du ziklora, eta toki-entitateek 105.120 euroko ekarpena eginez osatu da. Aurrekontua, guztira, 220.420 eurokoa da, eta horri esker 67 emanaldi izango ditugu (horietatik 14 euskaraz), sareari lotutako 32 herritan.
Helduentzako, gazteentzako eta familientzako proposamenak: dantza, txotxongiloak, zirkua, arte biziak eta antzerkia, espezialitate guztietan. Zortzi konpainia Nafarroakoak dira, eta bost autonomia-erkidego batzuetakoak (Balear Uharteak eta Madril, Euskal Autonomia Erkidegoa, Errioxa eta Aragoi). Arte-batzorde batek hautatu ditu, eta 100 proposamen baino gehiago baloratu ditu sareak egindako deialdiaren bidez.
