"Ernestina de Champourcín" Poesia Lehiaketaren 36. edizioaren helburua da aparteko kalitateko poesia lan original eta argitaratu gabeak saritzea. Lan horiek Euskal Autonomia Erkidegoko edozein hizkuntza ofizialetan idatzita egon daitezke. Horretarako, bi hizkuntza modalitate ezarri dira: euskara eta gaztelania. Lan bakoitza bi modalitate hauetako bakar batean baino ezin da aurkeztu.

Lanen ezaugarriak

Poema sortek originalak eta argitaratu gabeak (ez inprimaturik, ez digitalik) izan behar dute. Ez da onartuko pertsona batek baino gehiagok idatzitako lanik. 500 bertso izan behar dituzte gutxienez eta 700 gehienez, inprenta tipografiaz idatziak (arial 12 edo antzekoa), tarte bikoitzean, eta egileak askatasun osoa izango du estrofei, neurriari eta errimari dagokienez.

Euskararen hizkuntza-modalitatera aurkezten diren lanek euskaraz idatzita egon beharko dute jatorriz.

Gaztelaniaren hizkuntza-modalitatera aurkezten diren lanek gaztelaniaz idatzita egon beharko dute jatorriz.