Txosten honek arteen eta kultura-industrien 2023ko datuak biltzen ditu. Sektore kultural osoaren muina aztertzeaz gain, hainbat gai espezifiko jorratu dira, hala nola sektore bakoitzeko asimetriak, zuzeneko kultura nahiz kultura erreproduzigarria, euskarazko kultura, generoa, ekimen publikoaren pisua eta berrikuntza eta nazioartekotzea

2023ko edizio honetan ikusten denez, gainditu egin da pandemiak kultura-jardueran eragindako etena, bereziki zuzeneko ikuskizunei dagokienez. Agenteen mapak dinamismoa islatzen du, kultura-agenteak % 6,7 ugaritu baitira 2021eko edizioarekin alderatuta.

Edizio honetako beste berritasun bat berdintasun-politikei buruzko atala da, emakumeek enpleguan duten presentziari buruzko azterketa osatzen duena.

Txosten honek bi atal nagusi ditu:

• Lehenik eta behin, arteen eta kultura-industrien adierazle orokorrak aurkezten dira: sektoreen dimentsioa, agenteen titulartasuna eta lurralde-banaketa. Hartara, kultura sektore osoaren erretratua egiten du.

• Bigarrenik, datuei buruzko zeharkako begiradak ematen dira: sektore desberdinetako agenteen arteko asimetriak, kultura erreproduzigarriaren eta zuzenekoaren arteko bereizketa, agenteen jarduera ekonomikoaren bilakaera, euskarak kultura-jardueran duen pisua, agente pribatuek arlo publikoarekiko duten mendekotasuna, berrikuntza eta nazioartekotzea eta genero-ikuspegia, nahiz emakumeen presentziari aplikatua nahiz berdintasun-politiken ezarpenari aplikatua.

"Begiradak" txostenak, beraz, arteen eta kultura-industrien bihotza aztertu eta sektore bakoitzaren estatistikak osatzen ditu, datuei dagokien zentzua eta garrantzia emanez.