Pertsona, talde, elkarte eta sortzaile askoren artean osatzen da herriko kultur bizitza. Horiei guztiei ikusgarritasuna emateko asmoz, Tolosako Kultur Erakusleihoa jarri du martxan Udalak. Ekimen honen bidez, herriko kultur sortzaileen katalogoa osatu nahi da, beren jarduerei ikusgarritasuna emateaz gain, kultur eragileen arteko harremanak estutzeko eta elkarlana errazteko. Halaber, kultur programazioa osatzeko garaian erreferentziazko baliabide bihurtzea ere bada asmoa.

Parte-hartzea borondatezkoa eta doakoa da. Musika, antzerkia, argazkigintza, artisautza edo beste kultur diziplinaren batean aritzen diren herritarrek eman ahalko dute izena katalogoaren parte izateko. Izena honako lotura honetan eman ahal izango da.

Ondoren, katalogo hori herritarren eta kultur eragileen eskura jarriko da.