"Open Codes. We are Data"

Bilbao 2019(e)ko urriaren 23(e)tik 2020(e)ko urtarrilaren 26(e)ra
  • "Open Codes. We are Data"

Azkuna Zentroa - Alhóndiga Bilbaok Open Codes. We are Data erakusketa aurkezten du urriaren 23tik urtarrilaren 26ra arte, bizitoki dugun munduari buruzko hausnarketa eginez, kodeek sortu eta gobernatutako mundu honetaz.

Kode digitalek zehazten dute nola hautematen dugun ingurunea eta eragina dute gure finantza-sistemetan, legeetan eta enpresa-ereduetan. Azken batean, forma ematen dute eta aukera berriak sortzen dituzte jarduera sozial, ekonomiko edo kulturala garatzeko.

Open Codes. We are Data sorkuntzako topaketak egiteko espazio esperimental modura hartzen da, kode informatikoak ulertzeko jakintzaren eta ikuspegi artistikoen sorrera toki berean garatzeko. Ahalegin bat da gaur egungo errealitateekin eragin-trukea izateko, eta etorkizuneko garapen-ildoak eta ikuspegiak erakusteko, horrela, gure mundua hobeto ulertu ahal izateko, datu-eremu bilakatutako mundu bat baita.

Erakusketarekin batera, programa publiko zabala antolatu da, besteak beste, hitzaldi, tailer eta filmen proiekzioekin, egitura zurrunak apurtuz eta erakusketaren ikuskera berria proposatuz, sarrera libreko jakintzako plataforma bat garatuz, eta gonbit eginez erakusketa-aretoa gogoetara irekitako espazio gisa hartzeko, jakintza trukatzeko eta hartzeko toki eta lankidetzan aritzeko formatu berri bat izan dadin.

Ildo horretan, Open Space jarriko dugu ikusleen esku, kode irekiaren gaiari lotutako tailerrak, hitzaldiak, mahai-inguruak, biltzarrak eta bestelako ikuskizun publikoak egiteko diseinatutako espazioa. Espazio honen bereizgarria da edozeinek eman diezaiokeela forma edukiari. Erakusketak azpiegitura jarriko du; ikusleek, berriz, ideiez beteko dute. Ikusi gure web orria eskuragarritasuna eta informazio gehiago izateko.

Azkuna Zentroko Open Codes. We are Data erakusketa Alemaniako Karlsruhe-ko Open CodesZKM Media eta Arte Zentroaren erakusketa satelite bat da hainbat eboluzio-bertsiotan.

Ideia: Peter Weibel
Komisariotza taldea: Blanca Giménez, Jaime de los Ríos, Fernando Pérez, Rakel Esparza
Azkuna Zentroa - Alhóndiga Bilbao eta ZKM | Karlsruhe

Artistak:
Adam S?owik, Christian Lölkes & Peter Weibel, Refik Anadol, Bernd Lintermann & Nikolaus Völzow, BNAG (Oliver-Selim Boualam & Lukas Marstaller), Claire L. Evans, Emma Charles, James Bridle, Julien Prévieux, Karin Sander, Rafael Lozano-Hemmer, UBERMORGEN (lizvlx & Hans Bernhard), Varvara & Mar, WEAREQQ (Usue Arrieta & Vicente Vázquez)


Laburrean

Non

Euskadi, auzolana