"Ez, eskerrik asko! Gladysen leihoa"

Eibar 2020(e)ko Ekainak 30
  • "Ez, eskerrik asko! Gladysen leihoa"

1979an, Three Mile Islandeko (Harrisburg, AEB) istripu nuklearraren ondotik, eta Ingurumenaren Nazioarteko Egunaren ospakizunekin bat eginez, -ekainaren 3an-, nazioarte mailako mugimendu antinuklearrak hainbat mobilizazio antolatu zituen. Gurean, mobilizazioa Tuteran burutzea erabaki zen. Izan ere, euskal kostaldean programatutako hiru zentral nuklearrez gain (Lemoiz, Ea-Ispaster eta Deba), Arguedasen laugarren bat gehiago eraikitzeko proiektua bait zegoen, Tutera alboan, alegia. Deialdi hartan, era berean, Bardeetako tiro- eremua desegitea ere aldarrikatu zen.

Gladys del Estal Ferreño Tuterara joan zen baina ez zen itzuli. Guardia Zibil baten tiroak bizitza kendu zion manifestaldi baketsu eta baimendu hartan. Dokumental honek asmo bikoitza du: batetik, 23 urteko gazte hau zein zen eta gertakariok nola jazo ziren ezagutarazi nahi du; eta bestetik, Euskal Herrian eta mundu zabalean zentral nuklearren ezarpenaren kontra 70ko eta 80ko hamarkadetan gauzatutako erresistentzia prozesua ulertzen lagundu.

Baina dokumentalak deskribatzen duen errealitatean, Gladys ez zen izan bortizki hil zen pertsona bakarra. Gazte ekologistaren heriotzaren aurretiazko eta ondorengo gertakariak jaso ditu filmeak eta garaiko euskal gizartearen gehiengoa erakarri zuen mugimendu soziala irudikatu du.

OHARRA: Bertha Gaztelumendi filmeko zuzendaria eta Sabino Ormazabal, filmeko gidoilari eta bultzatzaile nagusia bertaratuko dira.

Filmaren fitxa osoa

www.eibar.eus

Laburrean

  • Mota Ikus-entzunezko emanaldia
  • Data 2020(e)ko Ekainak 30
  • Ordutegia22:30
  • LekuaSan Andres elizako klaustroa
    Eibar

Non

Euskadi, auzolana