Bisita gidatua Fanderiako Errotara

Errenteria 2020(e)ko abuztuaren 5(e)tik 2020(e)ko abenduaren 31(e)ra
  • Bisita gidatua Fanderiako Errotara

Fanderiako Errota Errenteriako aztarna historiko garrantzitsuenetako bat da. Eraikin hau Errenteriako industriaren bilakaeraren lekuko da, XV. mendean jada Renteriola burdinolarentzako energia motor gisa erabiltzen zen uraren indarra aprobetxatuz. 1996an itxi zen, bere jarduera industriala amaitutzat eman zuenean. 500 urtez industria-jarduera eboluzionatuz eta berrituz joan da gaur egun arte:

• 1450: Renteriola burdinola

• 1769: Aragorriola Fanderia

• 1828: Irin errota

• 1884: Irin fabrika

• 1955: Pentsu fabrika

• XXI mendea: Ibaiaren etxea

Gaur egun, Udalak kudeatzen duen kultur ekipamendu bisitagarria da. Erakusketa-espazioa eraikinaren beheko solairuan dago, errota zaharraren eta turbinaren ehotze-eremuaren kokapenari dagokion gunean. Jarduera mistoa da, errota tradizionalaren eta ondoren garatu zen irin-fabrikaren elementu bereizgarriak konbinatzen baititu.

Zentro hau ibai-etxea ere bada, hau da, Ibaiaren Interpretazio Zentroa, eta bere helburua ingurumen eta kultur ondarea ezagutaraztea eta kontserbatzea da. Protagonista nagusia ibaia da, lurraldea egituratzen duen ardatza, burdinaren industriatik hasi eta gaur egun inguratzen gaituen ibai-ekosistemak merezi duen sentsibilizazioa lortu arte.

Fanderia errota ezagutzeko bisitak:

Larunbat, igande eta jai egunetan dago zabalik Fanderiako Errota, 10:30etik 14:00etara, eta bisita gidatu bidez ikus daiteke. 30 minutuko bisitan ehotzearen mekanismoa eta errotarriak lanean ikusiko ditugu, errota eta gure kultur eta ibai-ondareari buruzko bi ikus-entzunezko eta hainbat informazio-panelez gain.

Larunbat, igande eta jai egunetan eskaintzen dira bisita gidatuak: 10:30ean eta 12:30ean euskaraz eta 11:30ean eta 13:30ean gazteleraz. Bisita gidatua egiteko beharrezkoa da aldez aurretik erreserba egitea Errenteriako Turismo Bulegoan, 943 494 521 telefonoan edo turismoa@oarsoaldea.eus helbidean. Turismo bulegoaren ordutegia: uztailean eta abuztuan astelehenetik igandera: 9:00-14: 00/16:00-19:00. Urteko gainerako hilabeteetan asteartetik larunbatera: 10:00-14:00/16:00-18:00 eta igandeetan: 10:00-14:00.

*Gehienez 10 lagunek osatutako taldearekin egingo da bisita, eta beharrezkoa da parte-hartzaileek musukoa erabiltzea.

HELBIDEA:

Fanderia Errota

Dolores Ibarruri Zumardia z/g

20100 Errenteria

943 494 521 / turismoa@oarsoaldea.eus


Laburrean

  • Mota Bestelakoa
  • Data 2020(e)ko abuztuaren 5(e)tik 2020(e)ko abenduaren 31(e)ra
  • LekuaEl molino de Fanderia
    Errenteria

Non

Euskadi, auzolana