Festikale 2020 - Landa Inguruneko Arteen Jaia

Zigoitia 2020(e)ko irailaren 17(e)tik 2020(e)ko irailaren 20(e)ra
  • Festikale 2020 - Landa Inguruneko Arteen Jaia

Irailaren 17tik 20ra bitartean, Ondategi-Gopegi ospakizun artistikoko eta parte-hartze eszenikoko eremu bihurtuko da Gorbeialdeako Landa Inguruneko Arteen jaiarekin.

FESTIKALE 2020 edizioak ikusleei hainbat diziplina artistiko hurbiltzen jarraituko du objektu-antzerkiaren, txotxongiloen, musikaren, ikusmen-arteen eta dantzaren arteko mugak lausotuz. Sorkuntza horiek Gopegiko eta Ondategiko hainbat gunetan elkartuko dira. Programazioaren zatirik handiena Bengolarra parkeko txoko natural txikietan eta antzokian egingo da. Ikastolako gimnasioa eta pilotalekua espazio alternatibo gisa erabiliko dira, bai eta Ondategiko Sarragoako landa ere.

2014an Euskal Herriko Kaleko Antzerki Erakusketa gisa sortu zenetik, aitortutako kalitate eszenikoko euskal antzerkia, eta estatuko eta nazioarteko sorkuntza programatu ditu sei ediziotan. Sorkuntza-mota berrien, ikusleekiko erlazio-mota berrien, formatu berrien eta artista eta ikusleekiko elkargune berrien topaguneak sortu nahi dira hasiera-hasieratik.

Ikusleak eta sorkuntzak esparru natural, sano eta atseginean bilduko dira.

Antzerki-programazioak gogoeta eragiten duten gai sakonak jorratuko ditu eta ikusleak benetako bizipen bizietara eramango ditu. Eta kaleko jai-, animazio-, musika- eta kolore-eremu izango da.

Lehen zazpikotea ospatzeko, VII. edizioa Sarragoan egingo den topaketa artistikoarekin inauguratuko da, ehun urtetik gorako zuhaitz enblematikoa dagoen tokian. Panta Rhei Antzerkiak Festikale 2020rako sortutako emanaldia izango da. Panta Rheiren laguntzaile hurbilak diren artista arabar batzuk sorkuntza honetan murgilduko dira Naturako Arte Bizien ikusleei gozarazteko.

50 lagunentzako bi emanaldi egingo dira. Zuzeneko musika, ahotsa eta mugimendua izango dira Gorbeiaren Taupadak izeneko eremu poetiko honen egitura-ardatzak.

Ikuslea abentura emozional eta intelektual honetan inplikatzea, espazio ez-konbentzionaletan antzerkiaz gozatzeko aukera ematea, eta kommozioaren eta interpelazioaren bilaketan laguntzea da helburua.

Garai berri hauetako premien araberako berrikuntza bat jarriko dugu martxan: Gorbeiaren Taupadak streaming bidez emango da ikusleei hurbiltzeko ekintza gisa eta gizarte-proiektu kolaboratzaile gisa.

Azken batean, komunikazio-forma berriak aurkitu nahi dira agoraren erritua eguneratzeko eta ikusleengan esperientzia-inpaktu handia izango duten dinamismo artistikoak inplementatzeko.

Sei edizioko esperientziak ikuslegoa sortu du udalerrian eta ingurunean, eta ikusle horiek ospakizun komunitarioko une berezi gisa espero dute Arteen jaia.

Edizio honek gogotik eutsiko dio ikusleen eta artisten segurtasunari ezarritako neurri eta protokolo sanitarioen arabera. Gune guztiek aforo murriztuak eta osasungarriak izango dituzte.

Azken batean, 2020ko edizioak, ezarritako muga eta murrizketa guztiekin, proposamen koherente eta erakargarriak eta zeharkako edukiak dituen programa planteatu nahi du eta herritarren arteko eztabaidetan presente dauden gai etikoekin konektatu nahi du, modu horretan komunitatearen garapenari etorkizuneko ikuspegia emateko.

Eta edizio bakoitza bere arrastoa uzten joango da kultura-balioak eta -ohiturak aldatuz, antzerkiaren, dantzaren eta, oro har, arteekiko zaletasunaren premia sortzeko.

 

 

zigoitia.eus/

Laburrean

Non

Euskadi, auzolana