"Mapamundistas 2020"

Pamplona/Iruña 2020(e)ko irailaren 18(e)tik 2020(e)ko urriaren 25(e)ra
  • "Mapamundistas 2020"

2020ko MAPAMUNDISTAS ekimenak erakusketak, performanceak eta hezkuntza-lantegiak biltzen ditu Iruñean, Uharten eta Atarrabian, irailaren 18tik urriaren 25era, zenbait kultur gunetan. 'La tranformación/eraldaketa' da La Caracola Elkartearen aurtengo proiektua eta Alexandra Baurès da haren komisarioa.

Iruñean, Ziudadelan ikusgai izango dira Blanca Graciaren (Madril, 1989) erakusketa, Labean, eta Caroline Delieutraz (Paris, 1982) eta Pablo Lermarenak (Barcelona, 1986), Mistoen Aretoan (1. solairua).

2020ko Mapamundistas-Eraldaketa ekimenean, 5 erakusketa (Ziudadela, Uharte Zentroa, Unibertsitate Publikoa eta Nafarroako Museoa), performance saio bat urriaren 3an (Nafarroako Museoa) eta haur, gazte eta helduei zuzendutako arte-hezkuntzako programa bat izanen dira. Sei artista hauek parte hartuko dute erakusketan: Caroline Delieutraz, Blanca Gracia, Helena Goñi, Pablo Lerma, Mireya Martín Larumbe eta Jorge Martínez Uharte.

Labean, Blanca Graciak (Madril, 1989) 'Hipnosia' obra aurkezten du, munduan zure tokia aurkitzeko (2018) animazio bideo-pieza bat, non egungo egoera sozio-politikoaz hausnartzeaz gain, hartatik ihes egitera bultzatzen baitu. Lan honetara hurbiltzeko, ikusleak 'Ataria'-tik (2018) igaro beharko du, mundu bukaeraren mitoaz ari den zeru-oihaletik. Bestalde, 'Goi-unea bi bariaziotan' (2017) aurkezten du, non "mummers play" bat egiteko (antzerki tradizionaleko lana) benetako eta animaziozko irudiak batzen dituen. Filmaren atrezzoko pieza batzuk aretoan jarri dituzte ikusgai, pantailatik ekintza ateraz.

Mistoen Aretoan (1. solairua, I. nabea), Caroline Delieutrazek (París, 1982) 'Trolls Just Want to Have Fun' (2019) artelanaz hartzen du ikuslea; instalazioa 24 maskaraz eta trol sare sozialetako zorigaiztoko pertsonaien siluetaz osatuta dago. Lan hau 'Fantastic Blue' (2019) bideoarekin solasean dago; artistak Instagramen bidez ikusleen eskura jarritako filtro urdina erabiliz internautek atera dituzten selfiak biltzen ditu. 'Blue Même' (2010) bideoa ere aurkeztuko du, bere lehen lanetako bat; azal urdindun humanoideen fotogramak biltzen ditu, gizaki urdinaren ereduaren inguruan sortutako komunitatea osatzen duten erdi gizaki erdi estralurtar diren izaki hibridoak.

Mistoen Aretoko bigarren nabean (1. solairua), Pablo Lermak (Bartzelona, 1986) 'A Frame of Darkness' izenburua duen collage-sorta aurkezten du. Aribidean dagoen ikerketa prozesu honetan, argazkilariak agerian uzten du zer presentzia eskasa duten argazkilaritzaren historian zehar gay komunitateak eta bere familiek. Horretarako, zenbat artxibo arakatu ditu, adibidez, New Yorkeko J. Cohenen Collection, Amsterdameko zenbait bilduma pribatu edo Nafarroako Errege Artxibo Nagusiko fototeka. Bilduma hauetatik paisaia adina erretratu aukeratu ditu, eta horiek berrerabili ditu artxiboak ikusi ondoren aurkitu dituen gabezietatik edota xehetasunetatik abiatuta eraikitako maskulinitatearen ikonografia proposatzeko.

Bestalde, Sarion (NUPeko Campusa, Iruñean), Helena Goñiren (Bilbo, 1990) 'Tell me how close we are to a riot' erakusketa bisita daiteke. Erakusketan, argazkilariak 2008ko krisian hazitako gazte-komunitatearen belaunaldiko erretratua egiten du, Bilboko punk azpikulturaren testuinguruan.

Uharte Zentroan, Mireya Martín Larumbek (Iruña, 1980) eta Jorge Martínez Uhartek (Iruña, 1966) 'Fase Aldaketa Gelan' izenburua duen prozesu artistiko komuna abiatu dute, habitatu eta sortzearen ideiaren inguruan. Ostiral arratsaldeetan ikusleekin topaketak egingo dituzte bere lantegiko gunean eta urriaren 23an, ostiralarekin, 18:30ean, prozesu honen ondorioak aurkeztuko dituzte.

Nafarroako Museoaren Atondoan, urriaren 3an, larunbatarekin, 19:00etan, sorkuntzarekin beste hitzordu bat: soinu-perfomanceari eskainitako saio bat, Anna Holvecken eskutik (Paris, 1993). Artista bisual eta musikagile gazteak bere ekintzen bideo sorta hautatu bat aurkeztuko du eta performance bat egingo du zuzenean. Benetako arrantzaleak berak ezkutatu zuen arraina harriaren atzealdean.

Azkenik, Mapamunditarrak Ikasgelak, arte-hezkuntza programari jarraituz,  Iruña eta Iruñerriko ikastetxeei eskainiko die ikasgelan edo etxean egin daitekeen jarduera bat. Blanca Graciaren ‘Desobedienteak’ bideoaren emanaldia abiapuntutzat hartuta, ariketa plastikoa proposatuko da, ‘'raldaketa'-ri eta kate-ondorioei buruz, eta bakarka egin ahal izango da. Bestalde, osasun-egoerak ahalbidetzen badu, talde txikiei zuzendutako bisita gidatuak eginen dira eskola-orduetan. Argibide gehiago eta izen-emateak info@mapamundistas.com-en.

Informazio osoa

Katalogoa [PDF]


Laburrean

  • Mota Erakusketa
  • Data 2020(e)ko irailaren 18(e)tik 2020(e)ko urriaren 25(e)ra
  • Lekua Ziudadela
    Armada etorbidea, z/g
    Pamplona/Iruña
  • Web Ziudadela

Non

Euskadi, auzolana