Gasteizko Nazioarteko Antzerki Jaialdia 2020

Vitoria-Gasteiz 2020(e)ko urriaren 7(e)tik 2020(e)ko abenduaren 21(e)ra
  • Gasteizko Nazioarteko Antzerki Jaialdia 2020

Gasteizko Antzerki Jaialdiaren 45. edizioa urriaren 7tik abenduaren 21era arte egingo da. Orotara 33 ikuskizun izango dira, horietako 21 euskal konpainiek eskainiak —bederatzi euskaraz—; lanetako batzuk berriro programatu dira, osasun-krisia dela eta bertan behera geratu ondoren.

Gasteizko publikoak Nuria Espert, Aitana Sánchez Gijón, Carmen Machi, Natalie Poza, Manuela Velasco, Ernesto Alterio, Ramón Barea, Juan Diego Boto eta Sergio Peris-Mencheta aktoreen lanez gozatu ahalko du, besteak beste. Gainera, antzerkigile ospetsuak etorriko dira hirira, hala nola Lluis Pascual eta Andrés Lima.

Egitarauak lau erabateko estreinaldi barne hartzen ditu: Proyecto Larruaren ‘Ojo de Buey’ lanaren aretorako bertsioa; ‘Una noche sin luna’, Sergio Peris-Menchetak zuzendu eta Juan Diego Bottok protagonizatzen duen lana, eta ‘Sisiforen paperak/Los papeles de Sísifo’, euskaraz eta gaztelaniaz, Gasteizko Principal antzokiak, Donostiako Victoria Eugenia antzokiak, Bilboko Arriaga antzokiak eta  Centro Dramático Nacionalak elkarrekin ekoitzitakoa. Harkaitz Canok idatzi du lan hori, eta Iñaki Rikarte da protagonista, besteren artean.

Inaugurazioa

Urriaren 7an, 8an eta 9an inauguratuko da Antzerki Jaialdiaren 45. edizioa, euskal sortzaileen zenbait proiekturekin eta estatuan arrakasta handia izaten ari den lan batekin.

Urriaren 7an, Proyecto Larruaren ‘Ojo de Buey’ lana hartuko du Principal antzokiak, eta urriaren 8an, ‘Prostitución’, Carmen Machi protagonista duen dokumentu-antzerki erdiragarria; urriaren 9an, berriz, Zanguazo Teatro taldeak ‘Aquí va a pasar algo’ lan arrakastatsua eskainiko du.

Udal Antzoki Sarearen publikoari berriz ilusioa ekarriko dion programazio gailen baten hasiera baino ez da izango.


Laburrean

Non

Euskadi, auzolana