"[2020/03/15], José Manuel Ballester" argazki erakusketa

Bilbao 2020(e)ko abenduaren 3(e)tik 2021(e)ko otsailaren 21(e)ra
  • "[2020/03/15], José Manuel Ballester" argazki erakusketa

“Nire ustez, jendeak gehiegi hitz egiten du; hori horrela da. Ez dut hitzetan sinesten. Jendeak hitz gehiegi erabiltzen ditu, eta, askotan, oker. Ziur nago, etorkizun urrunean, jendeak askoz ere gutxiago hitz egingo duela, eta gauza funtsezkoagoak esateko”. —Michelangelo Antonioni, 1969

Hutsak inguratzen gaitu, presentzia ezberdinen bidez egin ere: gaixotasuna, tristura, bakardadea… Baina barne-exiliorako aukera ere ematen digu, norberaren mamuei aurre egitekoa; amodioaren adierazpen gorena ere izan daiteke, edo bizitzako alderdirik garrantzitsuenak diren bizitasunarena eta pentsamenduarena. Une bakoitzeko tentsioa iraganeko eta oraingo egoerei erreparatzeko eta itxaropenez betetako etorkizunaz hausnartzeko gonbidapen moduan hartzera behartzen gaitu proiektu honek.

Argazkien bidez, José Manuel Ballesterrek denbora kapsulatu nahi du, geldiarazi, bizitzaren joanari atseden eman, ikuslea ez-eremu arkitektonikoetan murgilaraziz. Ballesterri toki hutsak interesatzen zaizkio, eta jendea argazkitan hartzeko haien arrastoak eta islak harrapatzea du gustuko. Haren obrak norbanakoaren bakardadea eta gaur egungo munduaren kontraesanak aztertzen ditu hiri-inguruneen bidez; eguneroko eremuak eszena denboragabe bihurtzen dira, eta, eremu horietan, ezkutukoa eta agerikoa, publikoa eta pribatua, bipolarra, giza izaera agerian jartzen duten alderdiak dira.

Ekimen honetan, José Manuel Ballesterrek apirileko hiru egunetan, pandemia betean, atera zituen argazkietako batzuk daude ikusgai. Honakoa dio artistak haiei buruz: “Kalean ez zebilen inor, eta horrek eszena harrigarriak jartzen zizkidan begien aurrean. Errepideak, etorbideak eta plazak hutsik zeuden, baina gehien artegatu ninduena biztanle guztiak han zeudela jakitea zen, ni negoen tokitik metro gutxi batzuetara, etxeko hormen atzean babes hartuta. Hain gertu geunden arren, isiltasuna zen nagusi”.

Ezohiko irudiotan, Bilbok eta munduko beste hiri askok itxialdian zehar bizi izan zuten errealitatea islatzen da eta, Guernica abiapuntu, 2009/2020 lanarekin batera, gertaera historikoaren eta giza zorigaitzaren ikuspegi leial baina eguneratua eskaintzen digute, eta gerren zein pandemien gisako gertaerek dituzten ondorio izugarriei buruz hausnartzera garamatzate.

EKITALDI ERLAZIONATUAK


Laburrean

  • Mota Erakusketa
  • Data 2020(e)ko abenduaren 3(e)tik 2021(e)ko otsailaren 21(e)ra
  • OrdutegiaAsteartetik igandera 10:00-20:00. Uztaila eta abuztuan, astelehenetik igandera: 10:00-20:00
  • Lekua Guggenheim Bilbao Museoa
    Abandoibarra Etorbidea, 2
    Bilbao
  • HizkuntzaBat ere ez
  • Web Guggenheim Bilbao Museoa

Non

Euskadi, auzolana