Begi Belarri ikus-entzunezkoen neguko egitaraua

Vitoria-Gasteiz 2021(e)ko urtarrilaren 13(e)tik 2021(e)ko apirilaren 14(e)ra
  • Begi Belarri ikus-entzunezkoen neguko egitaraua

Oihaneder Euskararen Etxeak eta Geu Elkarteak, Begi Belarri ikus-entzunezkoen zikloaren programazio berria aurkezten dute. Urtarrila eta apirila bitartean hilabetean behin, euskarazko dokumental eta solasaldiak eskainiko dira 19:00etan Oihaneder Euskararen Etxean.

Emanaldi guztiek bi atal izango dituzte: alde batetik, film-dokumentala proiektatuko da eta bestetik, filmaren zuzendariarekin, istorioaren protagonistarekin edota jorratzen den gaiarekin loturiko hizlariekin solasaldia egingo da.

Hona hemen neguko egitarauan eskainiko diren film-dokumentalak:

  • Urtarrilaren 13an: “Bi urte, 4 hilabete eta egun bat
    • Lander Garro zuzendariak, 1990 hamarraldiko derrigorrezko zerbitzu militarren kontrako mugimenduaren azterketa bat egiten du: politikoa, soziala, eta intimoa.
    • Solasaldia: Gasteizen talde antimilitaristetan intsumisioaren mugimenduan ibilitako lagun ezberdinekin: Luis Zulaika, Susana Correal eta Asis Iriondo.
  • Otsailaren 10ean: “Erraiak”
    • 33 minutuko filmak, irrintziarekin zerikusi zuzena duten pertsonen testigantzak jasotzen ditu. Euskal Herriko txoko ezberdinetan barrena murgilduz irrintziaren jatorria eta hedapenaren azterketa egiten du. Ze eragin du irrintziak kostaldeko marinelen jardunean? Zer eragin barrualdeko bailaren egunerokoan? Irrintzia ardatz izanda ekoiztu den dokumental bakarra dugu hau, euskara hutsean grabatutakoa.
    • Solasaldia: Ekain Martinez de Lizarduy zuzendaria izango dugu.
  • Martxoaren 10ean: “Caminho Longe”
    • Alfonso Etxegarai ETAko militante ohiak etxera itzultzeko bideari ekingo dio, hamarkadak eman ondoren Sao Tome eta Principe uharte-estatu afrikarrean erbesteratuta, Frantzia eta Espainiak deportatu egin baitzuten 1986an. Kristiane Etxaluze adiskide nekaezinarekin egingo du bidaia.
    • Solasaldia: Josu Martinez eta Txaber Larreategi zuzendariak gerturatuko dira Oihanederrera.
  • Apirilaren 14an: “Ez, eskerrik asko! Gladysen leihoa”
    • Dokumental honek asmo bikoitza du: batetik, Gladys del Estal Ferreño, manifestaldi bakezale batean guardia zibil baten tiroak hildako gaztea zein zen eta gertakariok nola jazo ziren ezagutarazi nahi du; eta bestetik, Euskal Herrian eta mundu zabalean zentral nuklearren ezarpenaren kontra 70ko eta 80ko hamarkadetan izandako erresistentzia mugimenduaren berri eman nahi du.
    • Solasaldia: Bertha Gaztelumendi zuzendaria eta Sabino Ormazabal gidoilaria izango ditugu.
    • https://www.ezeskerrikasko.eus/

Gogoratu, eserlekuak mugatuak dira eta gonbidapenen bitartez lortzen dira, sarrerak hartzeko epea astebete lehenago irekitzen da www.oihaneder.eus web orrialdean.

oihaneder.eus

Laburrean

Non

Euskadi, auzolana