Zergatik oroitu, zertarako, nola eta zer. Galdera horiei erantzuteko gogoa dago Antonia antzezlanaren sorreran. Lorcak zioen moduan, heriotza zelatan dago eta ez oroitzea hiltzea da.
Zer gertatzen zaio memoriarik gabe geratzen den pertsonari edo herriari? Memoria identitatea al da? Non dago sorrerako kontakizuna?
Idazle baten eta bere pertsonaien historia ezagutu ahal izateko, antzezlanak ebakia egiten du haren burmuinean. Oroitzapenen arteko bidaia da, iraganaren eta orainaren artekoa, errealitatearen eta fikzioaren artekoa. Haren kontakizunaren bilaketa da, eta baita geurearena ere.
