Musikenen egiten den lana herritarrei erakusteko premia artistiko eta pedagogikotik sortua da Amets proiektua, zehatzago Aitzol Iturriagagoitia artista eta pedagogoaren biolin-eskola erakusteko premiatik. Proiektu honen helburua da musikaren artea gure gizartera hurbiltzea eta, batez ere, Musikene Euskal Herriko Goi Mailako Musika Eskolako hari-instrumentuen ikasleek egiten duten lana kaleratzea.
Hari-orkestrarako programa bat aurkeztuko dute, barrokoko obrek osatua. Musika programatikoko saioa izango da, Heinrich Ignaz Franz von Biberren Bataila eta Antonio Vivaldi konpositore veneziarraren Lau urtaro famatuak interpretatuko baitira.
Kolaboratzailea: Donostia Musika.
