"AmaHika entzuteko" bertso saioa

Arrasate-Mondragon 2021(e)ko Urriak 28
  • "AmaHika entzuteko" bertso saioa

Emakume Txokoaren egitarauak aurrera jarraitzen du. Urriaren 28an, bertso saio berezia antolatu du, ‘AmaHika ikusteko’ izenburupean, Kulturaten, 19:00etan.

Jabetze Eskolan hausnarketa egin da hitanoaren eta bereziki nokaren erabileraren galeraren inguruan,  eta beharra ikusi dute nokaren erabilera sustatzeko. Galdera eta kezka asko sortu dira Emakume Txokoko arduradunek azaldu dutenez: “hika galera nabarmenean da. Noka, berriz, are azkarrago ari da desagertzen. Nokaz birjabetzeak balio dezake emakumeak ahalduntzeko? Zergatik toka noka baino erabiliagoa? Zergatik izan du duela gutxira arte ospe txarra? Hika berreskuratu daiteke feminismotik? Queer garaian hitanoa? Hitanoa egin daiteke ez bitarra? Baina zelan egin, ez badakigu? Ingo jonau?”

Bada, hausnarketa eta eztabaida hori ere herrira zabaldu nahian, 5 emakume bertsolari izango dira oholtzan, eta gonbidatu dituzte nokan aritzera. Izan ere, ‘AmaHika ikusteko’ saioa ez da izango ohiko saio bat. Emanaldi berezia izango da nokaren erabilera sustatzeko eta ikusarazteko, eta herritarrak gonbidatu dituzte bertara hurbildu daitezen.

Honako bertsolariak ariko dira kantuan: Amaia Agirre, Miren Amuriza, Oihana Arana, Haizea Arana eta Eli Pagola.

arrasate.eus

Laburrean

  • Mota Bertsolaritza
  • Data 2021(e)ko Urriak 28
  • Ordutegia19:00
  • Lekua Kulturate
    Azoka, 1
    Arrasate-Mondragon
  • HizkuntzaEuskara
  • Web Kulturate

Non

Euskadi, auzolana