MIREN AGUR MEABE: "Cómo guardar ceniza en el pecho"

Bilbao 2021(e)ko Abenduak 9
  • MIREN AGUR MEABE: "Cómo guardar ceniza en el pecho"

Kultur Gabonak 2021-2022, Bilbon.

Miren Agur Meabek gaztelaniaz argitaratu du Cómo guardar ceniza en el pecho (Bartleby argitaletxea), 2021eko Poesia Sari Nazionala jaso zuen lana.

Bilboko Udalako Bidebarrieta Kulturguneak OSTEGUNEAN, HILAK 9, Miren Agur Meaberen “Cómo guardar ceniza en el pecho” liburuaren aurkezpena hartuko du. “Nola gorde errautsa kolkoan” joan den irailean Poesiako Sari Nazionala jaso zuen liburuaren gaztelaniazko itzulpena da hau.

Hitzordua 19:00etan hasiko da Bidebarrietako Liburutegiko Areto Nagusian eta idazlearekin batera Josune Miren Muñoz Skolastikaren sortzailea eta Pepo Paz Bartlebyren editorea izango dira.

"Cómo guardar ceniza en el pecho" lanean, denboraren joanak, norberaren berreraikuntzak, agur- eta itxaropen-kantuek eta idazketari buruzko gogoetak ekarritako ikaskuntzak txirikordatutako haurtzaroaren oroimenarekin lantzen da. Miren Agur Meabek euskarazko lanik ezagunenetako bat eraiki du, tradizioa eta abangoardiaren arteko lotura iraunkorrean. Galdutako mundua iluntzen duen dagerrotipotik hasi eta bideo-instalazioarekin amaituz, aniztasun tematiko eta formalak laguntzen dio egile honi bizitzaren pisua berrikusten duen sekuentzia batean.

Miren Agur Meabek (Lekeitio, 1962) helduentzako nahiz haur eta gazteentzako idazten du. Besteak beste, Kritikaren Saria jaso zuen 2001ean “Azalaren kodea” eta 2011n “Bitsa eskuetan” liburuengatik, baita Gazte Literaturako Euskadi Saria hiru aldiz ere. “Kristalezko begi bat” bere novela hainbat hizkuntzatara itzuli dute. 2020an, “Nola gorde errautsa kolkoan” poema liburua argitaratu zuen, 2021ean Poesia Sari Nazionala jaso zuena. Literatura itzulpengintzan ere aritu zen, eta Forough Farrokhad poeta irandarra eta Skolastique Mukasonga nobelagile ruandarra euskaratu ditu, haur eta gazteentzako lanen zerrenda luzeaz gain. Gaztelaniazko itzultzaile gisa, Miren Amurizaren “Basa” nobelaren itzulpena nabarmendu behar da.

BIDEBARRIETA KULTURGUNEA Bidebarrietako Liburutegiak kulturari eskainitako gunea da. Bere helburuen artean kultura, literatura eta zientziaren garapena eta sustapensa daude.

Sarrera doakoa da eta sarrera librea izango da lekua bete arte. Bertaratzerik ez badago, aurkezpena streaming bidez jarraitu ahal izango da www.kulturguneatb.eus webgunean.

 

bilbao.eus

Laburrean

Non

Euskadi, auzolana