Donostia Musikak ordu eta laurdeneko hamabi kontzertuko zikloa antolatu du 2022 urterako Victoria Eugenia Antzokian: Mozart vs Brahms Zikloa. Kontzertu horiek bi atal izango dituzte: lehenengoan W.A. Mozarten musika neoklasikoa entzungo dugu eta bigarrenean, berriz, J. Brahmsen estilo erromantikoko musika.
Kontzertu bakoitzean interpretatuko den musika-generoa berdina edo antzekoa izango da. Hau da, lehenengo partean Mozarten pianorako kuarteto bat interpretatzen bada, bigarrenean Brahmsen pianorako kuarteto bat entzungo da. Kontzertuok igandez egingo dira, eguerdiko 12:00etan.
Askotariko emanaldiak izango dira, bai musika-tresnen eta interpreteen osaerari dagokionez bai musika-generoei dagokienez. Hala, bi musikari handi horien musikaren edertasunaz gozatzeko eta ganberako hainbat genero ezagutzeko aukera izango da.
Sarrera eta abonamenduei buruzko informazioa
12 kontzertuetarako abonamendua abenduaren 1etik aurrera jarriko da salgai, goizeko 11:30etik aurrera (135 €, 85 €) eta sarrera solteak abenduaren 14tik aurrera (15 €, 10 €), Victoria Eugenia Antzokiko eta Antzoki Zaharreko leihatiletan eta www.donostiakultura.eus/sarrerak webgunean.
Egitaraua
Urtarrilak 16 Ezenarro-Oprisor Bikotea
Urtarrilak 30 Ensemble Siciliano
Otsailak 20 Swedish String Quartet
Otsailak 27 Musikene Bikotea
Martxoak 20 Ensemble Siciliano
Apirilak 24 Ensemble Musikene
Maiatzak 15 Ensemble Siciliano
Maiatzak 22 Ensemble Siciliano
Ekainak 19 Arima Quartet
Urriak 16 Ensemble Siciliano
Azaroak 20 Grupo Enigma
Abenduak 11 Ensemble Siciliano
