"Serra/Seurat. Marrazkiak"

Bilbao 2022(e)ko ekainaren 9(e)tik 2022(e)ko irailaren 6(e)ra
  • "Serra/Seurat. Marrazkiak"

Sarritan, Georges Seuraten (1859−1891) pinturak itzal egin dio marrazkiak haren lanetan izan zuen garrantziari. Hala ere, historialari, arte-kritikari eta artista batzuentzat, hala nola Richard Serrarentzat (1938), sortzaile frantsesaren marrazkiak dira, hain zuzen, haren obrako alderdirik nabarmenena. Beste artista asko bezala, Seurat marrazkiak egiten hasi zen pinturari ekin aurretik; Seuratek, baina, inoiz ez zion marrazteari utzi bere ibilbide laburrean zehar, eta salbuespen bakan batzuetan baino ez zuen erabili marrazkia margolanak egiteko zirriborro edo abiapuntu gisa. Erakusketa honek agerian utziko du Seuratek zeinen modu desberdinean baliatu zituen ikasitako marrazketa-teknikak , eta bereziki nabarmenduko du nola erabiltzen zituen Michallet papera eta conté arkatza bezalako materialak kolore-sorta ezin zabalagoa irudikatzeko, beltz opakuenetik hasi eta argirik gardeneneraino. Seuraten teknika bereziak jarraitzaile asko erakarri zituen, eta, gaur egun ere, artista askoren interesa pizten jarraitzen du, esaterako Richard Serrarena. Izan ere, azken horren ustetan, marrazkia ez da eskulturak egiteko abiapuntutzat erabiltzeko zirriborro soil bat, baizik eta bere nortasun propioa duen jarduera bat, eta “etengabeko ardura bat, albo-arazoak eta bere-bereak dituen arazoak” dauzkana. Erakusketa honetan, Serraren azken marrazkiak ere egongo dira ikusgai. Horietan, olio-barrak sortzen duen materiak agerian jartzen du artistak prozesuan, pisuan, grabitatean eta antzeko gaietan duen interesa.

Georges Seurat
Uretan islatutako zuhaitz-enborrak (Stéphane Mallarméri omenaldia), ca. 1883/84
Conté arkatza paper gainean
22,7 × 31 cm
Villa Flora, Winterthur; epe luzerako mailegua Hahnloser/Jaeggli Foundation, Winterthur.


Laburrean

  • Mota Erakusketa
  • Data 2022(e)ko ekainaren 9(e)tik 2022(e)ko irailaren 6(e)ra
  • OrdutegiaAsteartetik igandera 10:00-20:00. Uztaila eta abuztuan, astelehenetik igandera: 10:00-20:00
  • Lekua Guggenheim Bilbao Museoa
    Abandoibarra Etorbidea, 2
    Bilbao
  • HizkuntzaBat ere ez
  • Web Guggenheim Bilbao Museoa

Non

Euskadi, auzolana