"Sekzioak / Intersekzioak. Guggenheim Bilbao Museoaren Bildumak 25 urte"

Bilbao 2022(e)ko irailaren 8(e)tik 2023(e)ko otsailaren 26(e)ra
  • "Sekzioak / Intersekzioak. Guggenheim Bilbao Museoaren Bildumak 25 urte"

2022an, Guggenheim Bilbao Museoak 25 urte beteko ditu eta, urteurrena ospatzeko, Museo osoa hartuko duen erakusketa handia antolatuko du bere Bildumako lanekin.

Sekzioak/Intersekzioak izenburupean, erakusketak Museoaren funtsak aurkeztuko ditu gaika antolatuta; hala, lotura berriak ezarriko ditu askotariko hizkuntza artistikoen artean, eta agerian jarriko ditu arte modernoaren historiako gertakari eta joera handiak, zeinak modu paradigmatikoan irudikatzen baitituzte Bildumako obrek. Hainbat izango dira erakusketak bilduko dituen elementu nabarmenak, eta horien artean nabarmentzekoak dira berriro ere jendaurrean erakutsiko diren formatu handiko eta kokapen zehatzeko obrak, esaterako Sol LeWitten Horma-irudia 831. zk. (Forma geometrikoak), 1997; Joseph Beuysen Tximista oreina argituz, 1958–85; eta Jannis Kounellisen Titulurik gabea, 1988. Haiek bezain nabarmenak izango dira Museoak erosi dituen azken artelanak, besteak beste, azken hamarkadako erakusketa gogoangarrietan izandako artistenak (hala nola Jenny Holzer, Henri Michaux eta Ernesto Netorenak) eta nazioartean ospetsuak diren euskal egileenak. Pieza horien aurkezpenak eta obra enblematikoenen antolaketa berriak agerian jarriko dute Museoaren funtsen aberastasuna, eta, horrez gain, eztabaida garaikide handien esparruan indartsu jarraitzen dutela azpimarratuko dute.

Komisarioak: Manuel Cirauqui, Geaninne Gutiérrez-Guimarães eta Lekha Hileman Waitoller

Sol LeWitt
Horma-irudia 831. zk. (Forma geometrikoak) [Wall Drawing #831 (Geometric Forms)], 1997.
Akrilikoa horma gainean
Kokapen zehatzeko neurriak
Guggenheim Bilbao Museoa

Laburrean

  • Mota Erakusketa
  • Data 2022(e)ko irailaren 8(e)tik 2023(e)ko otsailaren 26(e)ra
  • OrdutegiaAsteartetik igandera 10:00-20:00. Uztaila eta abuztuan, astelehenetik igandera: 10:00-20:00
  • Lekua Guggenheim Bilbao Museoa
    Abandoibarra Etorbidea, 2
    Bilbao
  • HizkuntzaBat ere ez
  • Web Guggenheim Bilbao Museoa

Non

Euskadi, auzolana