Bueltan da “Artekale”, kaleko arte eszenikoen jaialdia. Aurtengoa bostgarren edizioa izango da eta irailaren 23an eta 24 ospatuko da Plentziako lau gune desberdinetan: Astillero Plazan, Eleizako Plazan, Plazatxoan eta portuan. Guztira zazpi ikuskizun eskainiko dira aipatutako espazioetan eta sarrera librea izango da hitzordu guztietan. Euskadi, Galizia, Andaluzia, Katalunia eta Gaztela eta Leonetik etorritako konpainiak izango ditugu.
“Artekale” Plentziako Udalak antolatuta ekimena da, Eusko Jaurlaritzaren babesarekin eta Plentziako Merkatari, Ostalari eta Zerbitzuen Elkartearen laguntzarekin.
