Pirritx, Porrotx eta Marimotots: "Kuikui"

Berriz 2022(e)ko Abenduak 2
  • Pirritx, Porrotx eta Marimotots: "Kuikui"

Aurtengoan Euskararen gaiari eutsi nahi izan diogu pailazook beste behin, Aitorren eta MARIREN hizkuntza zaharrari arnas bideak topatze aldera. Orduan, txoriak ginela amestu genuen, eta munduari "kuikui" esan genion. Batzuk "kuku", besteek "piui", "kerrek"... eta beleak "KRAAAA!"... Guk, ordea, "kuikui", Marimototsek erakutsita. Izan ere, amalurra txoriek bezala ikusten eta begiratzen lagunduko baitigu Pirritxi eta Porrotxi.

Ikusiko ditugu plastikoz betetako itsasoak, Txo Mikmak txikiaren, balearen eta urpean hegan dabilen pinguinoaren begietatik. Ikusiko dugu Tider migrantea, Afrikatik Baionara iritsi nahi, baina Txilipitok debekatzen diona, gauez hegan egiten duen Ontzak lagunduta bere helburuan saiatuko dena. Eta ikusiko ditugu Ilargi baserritarra eta Margarita Oiloa, saltoka hegan egiten duena. Honek arrautza berezia errun du koloretakoa. Eta jaioko da txitakolorea, Kuikui, munduari kolorea eta adorea emango diona. Eta guk ere, "kuikui" txorrotxio egingo diogu munduari, geuretik, euskaratik eta euskaraz, munduko txorrotxioen sinfonian... Kui Kuikui!

Fitxa

  • Aktoreak: Aiora Zulaika (Pirritx), Joxemari Agirretxe (Porrotx), Mertxe Rodriguez (Marimotots), Oihana Sanchez, Izaskun Forcada
  • Ekoizpena: Katxiporreta Koop.
  • Zuzendaritza: Katxiporreta Koop.
  • Musika: Xabier Zabala, Imanol Urbieta, Pirritx, Porrotx eta Marimotots...
  • Iraupena: 70 minutu
  • Familia-antzerkia: 0-100 urte

Laburrean

Ikuskizunaren informazioa >>

Non

Euskadi, auzolana