LAUTAN HIRU 2023: "Txizatoki bat eszenatokian" + "Nire zigilua"

Bilbao 2023(e)ko Otsailak 2
  • LAUTAN HIRU 2023: "Txizatoki bat eszenatokian" + "Nire zigilua"

LAUTAN HIRU 2023 egitarauaren barruan.

Aurten, otsailaren 2an, 9an, 16an eta 23an egingo da LAUTAN HIRU, eta lau ostegunez jarraian antzerkiz blaituko da hiriko Alde Zaharra. Bilboko Udalak babesten du jaialdia, eta Euskaltzaindiak aurten ere elkarlanean antolatu du egitaraua, hain zuzen, Cafe Bar Bilbaorekin eta BIRA Kulturgunearekin batera.

Eszenatokiei dagokionez, betiko laurei AEKren Kalderapeko kulturgunea gehitu zaie edizio honetan. Hortaz, bost lekutan programatuko dira lanak: Kalderapeko, BIRA, Cafe Bar Bilbao, 7Katu gaztetxea eta Euskaltzaindiaren egoitza.

Urtero lez, bonuak eta sarrerak jarriko dira salgai. Bonuak 7 eurotan, eta jardunaldi bakoitzeko lan guztiak ikusteko aukera izango dute erosleek (ostegun bakoitzean bi). Sarrera bakarra erosteko aukera ere izango da, jakina (emanaldi bakoitzeko 4 euro).

Bonuak (7 euro) Bilboko Plaza Barriko Cafe Bar Bilbaon eta Erronda kaleko BIRA Kulturgunean salduko dira, bihartik hasita agortu arte. Gogoratu behar da bonua erosi duten zaleen artean 'opariak' zozkatuko direla astero. Zozketa azken emanaldiaren ostean egingo da, eta opariak Zazpikaleetan euskara eta euskal kultura bultzatzen duten negozioekin adostuko dira.

Formatu txikiko lanak antzeztuko dira LAUTAN HIRU jaialdian, hala iraupenari, nola muntaketari dagokionez (oro har, 25-50 minutuko piezak izango dira), eta, esan legez, bost agertokitan antzeztuko dira: Euskaltzaindiaren egoitzan (Plaza Barria, 15), BIRA Kulturan (Erronda kalea, 2); Cafe Bar Bilbaon (Plaza Barria, 6); 7Katu gaztetxean (Solokoetxeko eskailerak) eta Kalderapekon (Txakur kalea, 1).

 

Otsailak 2

  • 19etan (Euskaltzaindian): Txizatoki bat eszenatokian (Patxo Telleria) 40'
  • 20etan (Kalderapekon): Nire zigilua (Alain Lersundi) 35'
Bilboko Udala

Laburrean

  • Mota Antzerkia
  • Data 2023(e)ko Otsailak 2
  • Ordutegia19:00 / 20:00
  • LekuaEuskaltzaindia eta Kalderapeko
    Bilbao
  • Zenbatekoa4 € (7 € bonoa)
  • HizkuntzaEuskara

Non

Euskadi, auzolana