Bilboko Inauteriak 2023: egitaraua

Bilbao 2023(e)ko otsailaren 17(e)tik 2023(e)ko otsailaren 21(e)ra
  • Bilboko Inauteriak 2023: egitaraua

Bilboko 2023ko Inauteriak otsailaren 17tik 21era ospatuko dira.

Bilboko 2023ko Aratusteek badute dagoeneko jai herrikoi horien espiritua Bizkaiko uriburuan irudikatuko duen irudia. Oraingo aldi honetan, "B DE BILBAO" lana, Oscar Méndezena, izango da Aratusteak iragarriko dituen kartela, alegia, urtean zehar urian ospatzen den jaien artean jairik zoroenak eta alaienak , zeintzuk otsailaren 17tik 21era ospatuko baitira.

Beste behin ere, eta murriztapenik gabe, Bilbok, bost egunean zehar, publiko guztiendako ospakizunak, dibertsioa eta jarduerak izango ditu. Eta, hala egingo du "B DE BILBAO" diseinuarekin, zeina Oscar Mendezek egin baitu, eta lehiaketan irabazle atera baita, beste sei finalistaren aurretik; izan ere, herritarrek emandako botoei esker gertatu da hala, zeintzuek azken erabakian % 66 adinako balioa izan baitute (aurrez aurre emandako botoen balioa % 33, eta online emandakoena % 33), eta halaber Epaimahairen irizpideari esker, zeinak gainerako % 33a adinako balioa izan baitu.

Itziar Urtasun Bilboko Udaleko Lankidetza, Bizikidetza eta Jaietako zinegotziak aurkeztu du gaur goizean kartel irabazlea prentsaurrekoan. Ondoan izan ditu edizio honetako Kartel Lehiaketako epaimahaia osatu duten kideak.

6 KARTEL FINALISTAK

Irabazle atera diren gainerako bost karteletako leloek ere agertzen dute haien sortzaileek erabili dituzten gaien inspirazioa: "Danza de Disfraces coloridas", "Don Diego Carnaval", "Ikonoa", "Sardinitas por aquí, Sardinitas por allá", eta "Carnacalles".

Aurreko edizioetan bezala, Epaimahaiak, hasiera batean, 2 kartel finalistak hautatu zituen aurkeztutako 125 lanen artean, zeintzuk hainbat jatorritakoak baitziren: Euskadiko hainbat lurraldetakoak, % 37,8 (Bilbo, % 12; Bizkaia, % 12,8; eta Euskadi % 12,8); Estatua, % 56,8, eta nazioartea, % 5,6.

Lehiaketa honen edizio honetan, Epaimahaia honako hauek osatu duten: Itziar Urtasun, Bilboko Udaleko Lankidetzako, Bizikidetzako eta Jaietako Saileko zinegotzia eta Jaien Batzorde Mistoko presidentea; Asier Abaunza eta Carlos David Garcia zinegotziak; Iñigo Iglesias, Bilboko Konpartsen ordezkaria; Esmeralda Hernando, blogaria eta dibulgatzailea; Aitor Arakistain, BilbaoArten irudi digitalaren tailerreko maisua; Alicia Fernández, Rekalde Aretoaren zuzendaria; Itsaso Jubeto, Txurdinagako Merkatarien Elkarteko ohorezko presidentea; eta Cristina Guezuraga, Sirope agentziaren zuzendari sortzailea.

Lehenengo hautaketaren ostean, hautatutako 6 proposamenen gaineko bozketa egin zen herritarren artean, aurrez aurreko botoaren eta boto telematikoaren bidez (Udalaren web-orriaren bidez), bai eta Epaimahaian ere. Azkenean, "B DE BILBAO" izan da kartel irabazlea, puntuaziorik handiena lortu baitu, bai herritarren arteko bozketan, bai Epaimahaiaren bozketan.

Aurten ere herritarren parte hartzea nabarmendu behar da, zeren eta gakoa izan baitira, 2.122 boto emanez aurrez aurre (Abandoko barrutiko udaltegian, Barrainkua kaleko 5. zenbakian) eta online, Bilboko Udalaren web-orriaren bidez.

 

YLENIA BAGLIETTO ETA LANDER OTAOLA AUKERATU DITUZTE 2023KO BILBOKO ARATUSTEETAKO FAROLIN ETA ZARANBOLAS IZATEKO

2023ko Bilboko Aratusteek gauza berriak jakinarazten jarraitzen dute. Aste honetan ezagutzera eman dira bere irudi ofiziala iragartzeko lehiatuko diren sei kartel finalistak –bozketa zabalik dago oraindik urtarrilaren 23ra arte–, eta Jaien Batzorde Mistoak jakinarazi duenez, Ylenia Baglietto eta Lander Otaola aktoreek antzeztuko dituzte Farolin eta Zaranbolas jaiez betetako bost egunez, urtarrilaren 17tik 21era.

Entretenimendua eta dibertimendua izango dira nagusi Bizkaiko hiriburuko aratusteetako enbaxadore gisa galduko ez duten ospakizunetako bakoitzean. Aurten murrizketarik gabe biziko dira aratusteak, hiriburuan arnasten den tradiziora eta normaltasunera itzuliz.

Jai Batzorde Mistoak, Udaleko, Bilboko Konpartsetako, Fekoorreko eta Alde Zaharreko Merkatarien Elkarteko ordezkariekin batera, aukeratu ditu pertsonaia ezagunak.

FAROLIN ETA ZARANBOLAS, OSO BIKOTE MAITATUA BILBON

Ylenia eta Lander bikotea dira eta ofizioa partekatzen dute. Elkarrekin lan egin dute hainbat proiektutan, bai ikus-entzunezkoetan, bai agertokietan.

  • Ylenia Baglietto Farolin izango da, eta Aratusteetako bost egunetan emango dio bizia pertsonaiari. 1986an Eibarren jaioa, benetan maite du bere lanbidea. Bere ibilbidea gimnasia erritmikora bideratuta hasi zen Eibarko Club Gimnasia Rítmica Ipurua taldean, eta Espainiako txapeldun izan zen Banakako modalitatean 2000. eta 2002. urteetan, eta Taldekoan 2001. urtean. Getxoko Antzerki Eskolan interpretazioa egin ondoren, ETBko Goenkale telesail mitikoarekin estreinatu zen telebistan, eta bertan hasi zen telesail ezagunetan, antzerkian eta zineman egin duen ibilbidea.
  • Zaranbolas pertsonaia Lander Otaola aktorearen neurrira egina dago, 1989an Bilbon jaioa, Landerrek ere benetan maite du bere lanbidea. Lehen pausoak, berak parte hartzen zuen lanetako gidoiak idazten eman zituen. Denek ezagutzen dute ETBko Vaya Semanita, umorezko saioan egindako agerraldiengatik, eta 2012an Max Sarietarako izendatu zuten, Euskarazko Antzerki Egile Onenaren sailean, “Sekula bai!” lanarengatik. Lander kirolaria ere izan zen, bere bikotea bezala, Athletic Clubeko beheko mailetan jokatu zuen eta Espainiako txapeldunorde izan zen Euskadiko Selekzioarekin.

Farolin, bere jarduera profesional edo publikoan nabarmen bereizten den eta, gainera, bere botxoko izaeraz harro dagoen bilbotarra da, Bilbon bertan jaio ez bada ere. Bere lelo nagusia “Semper Plus Ultra”/ “Beti Harago” izan daiteke.

Bere bide laguna Zaranbolas da, ezerk eragiten eta bizitza aldatzen ere ez dion Bilboko pertsona. Bizitza onaren adibide, bere bizimodua “Carpe Diem”/ “Bizi Momentua” esaeran laburbiltzen da.

bilbao.eus

Laburrean

  • Mota Jaiak
  • Data 2023(e)ko otsailaren 17(e)tik 2023(e)ko otsailaren 21(e)ra
  • LekuaBilbao

Non

Euskadi, auzolana