Rachel Marron super izarrak Frank Farmer agente sekretu ohia eta orain bizkartzain aritzen dena kontratatu du jazarle batengandik babes dezan. Bi-biek espero dute egoera behar bezala kudeatzea. Espero ez dutena da elkarrekin maitemintzea.

Thriller erromantiko honek kanta arrakastatsu ahaztezinen zerrenda luzea dauka, hala nola Queen of the night, So emotional, I wanna dance with somebody, Saving all my love, Run to you, I have nothing eta I will always love you ikonikoa. Filmak Oscarretarako bi izendapen izan zituen 1993an, biak ere Kantarik Onenaren kategorian, I have nothing eta Run to you abestiengatik. Soinu-bandak lau izendapen izan zituen Grammy sarietan, eta hiru irabazi, tartean Urteko Albumik Onenarena.