Laboral Kutxa BILBAO SURF FILM Festival (LKBSFF) zinema jaialdi bat da, baina, aldi berean, kultura, kirola, ingurumena, aisia, elkartasuna eta inklusioa, surfaren industria, surferrak, skaterrak, formakuntza, hitzaldiak, musika eta gastronomia batzen dituen 360 graduko esperientzia bat ere bada. Eskolentzako goizeko saioak; doako ekintzak eta jarduerak aire zabalean...
Nazioartean erreferentziazko surf jaialdia izateko asmoz jaio da LKBSFF. Otsailaren 23tik 26ra.
INFORMAZIO GEHIAGO: https://bsff.eus/
Laboral Kutxa BILBAO SURF FILM Festival (Getxon)
Bigarren urtez jarraian, otsailaren 23an, asteazkena, “Laboral Kutxa Bilbao Surf Film Festival” jaialdiaren inaugurazioa hartuko du Muxikebarrik, Europako surf jaialdi garrantzitsuenetako bat. Otsailaren 23tik 26ra bitartean egingo da Getxon eta Bilbon.
Inaugurazio ekitaldian, 19: 00etan, selekzio ofizialaren lehen saioko filmak proiektatuko dira eta Euskal Herriko surf munduko mitoen lanak ikusi ahal izango dira, mundu mailako estreinaldiak barne. Surfaren industriako, zinemako eta kiroleko pertsona ospetsuak ez ezik, instituzioetako pertsona ospetsuak ere egongo dira. Horrez gain, elkarrizketa txikiak egingo zaizkie filmetako protagonista batzuei, eta pertsonalizatutako surf-ohol bat emango zaio Itsasmuseumi, azken hiru urteetan jaialdiaren egoitza nagusia izan denari.
Goizean, 09:30ean, Algortako “Urgull Zentroa”-n kokatuta dagoen “Getxo Sormen Hub”-en, ikus-entzunezko industriaren eta kirol munduko zinema errealizatzaileen topaketa hasiko da (streaming bidez ere emango da). Euskal industriako eta nazioarteko profesionalek hartuko dute parte, hala nola Iker Elorrietak eta Amaia Nerekanek, baita Eusko Jaurlaritzak, Bizkaiko Foru Aldundiak, Eikenek, EiTBk eta Zineuskadik ere.
Hurrengo egunean, ostiralean, hilak 24, proiekzioak izango dira Muxikebarrin, 10:00etatik 22:00etara, eta astelehenean, hilak 27, 09:00etan, agertoki berean, Getxoko 100 ikaslek jaialdian lehiatzen diren filmez gozatuko dute, kultura eta kirola, ingurumenarekiko errespetua eta inklusioa eta aniztasuna sustatzeko, surfaren munduak transmititu beharreko gai nagusi eta balio gisa. Haurrek surf-kulturaren inguruko entretenimendu eta gogoeta uneak partekatuko dituzte.
Proiekzio horiez gain, jaialdia bera Bilbon egingo da, Itsas Museum inguruan, hilaren 26ra arte (igandea). Ingurumenarekin eta inklusioarekin lotutako jarduera parte-hartzaileak, kirolekoak, kulturalak eta solidarioak egongo dira.
