Celestina Infernal helduentzako ikuskizuna da, giza proportzioko txotxongilo ikusgarriek antzeztua, kultura unibertsaleko pertsonaia nabarmenetako baten inguruan. Amodio grinatsuak (erotismo harrigarriarekin), indarkeria, heriotza eta umore beltzena falta ez dituen fantasia. Celestinak sorgina urkatuen soka erabiltzen du bere sorginkerietarako. Etsipenez berriro gazte izaten eta plazer galduez gozatzen saiatzen denean, enkargu zail bat iristen zaio: Melibea Calistorekin maitemintzea lortzea.
Egilea, zuzendaria: Jesús Peña I Aktore-manipulatzaileak: Olga Mansilla, Teresa Lázaro, Miguel Jerez, Alfonso Peña I Jatorrizko musika: Juan Carlos Martín I Argiztapena: Xiqui Rodríguez I Soinua: Xabi Sainz I Txotxongiloen diseinua eta errealizazioa: Teatro Corsario I Koprodukzioa: Teatro Calderón - Fundación Municipal de Cultura - Ayuntamiento de Valladolid, Victoria Eugenia Antzokia, Circe Producciones Teatrales S.L.
Informazio gehiago: Teatro Corsario
