Musikaren munduan urteak daramatzan arren, Hemen berriro bere lehen lan luzea aurkeztu berri du Sara Azurza musikagile eta kantari donostiarrak. Bederatzi kantuz osatuta, bizitzako ziklo emozionalez dihardu, mota desberdinetako barne emozio eta sentimenduei zuzendutako lan honetan. Estiloari dagokionez, pop, soul, funky eta elektronikarekin jolas egiten du.
Freskotasun eta kalitate handiko zuzenekoa eskaintzen du, musikari apartez inguratuta eta bere ahotsa aldarrikapen eta espresio artistiko gisa erabiliz.
