Cantando Bajo la Lluvia film musikalik onenetako bat da. Hollywooden eta soinudun zinemaren hastapenetan girotuta dagoen maitasun-istorioa da. Joan den mendeko 20ko hamarkadako dotorezia formal eta estetikoaren erakusgarri da. Zinemari egindako keinuez, umorez eta sentsibilitatez betetako komedia musikala, dantza-saio ikusgarriekin.
Àngel Llàcer eta Manu Guix zuzendariek, Miryam Benedited koreografoak eta Nostromo Live ekoiztetxeak hirugarren musikala aurkeztuko dute. La Jaula de las Locas (abuztuaren 18tik irailaren 11ra Arriaga antzokian) eta La Tienda de los Horrores izan ziren aurreko komedia musikal arrakastatsuak.
Betty Comden eta Adolph Green dira umorez eta maitasunez betetako gidoiaren egileak. Komedia klasiko horrek maitasun-istorio polit batekin hunkituko du ikuslea, eta, aldi berean, iraganera eramango du, soinudun zinemaren hastapenak eta horren inguruko sekretu guztiak erakusteko. Eszena, koreografia eta abesti ikoniko eta ikusgarrien bidez kontatzen da istorioa. Ezin hobea publiko guztientzat.
