Urteak joan eta urteak etorri, Ibilaldiak bere jatorrizko arrazoiei eutsi die: Bizkaiko ikastolen jaialdia izatea, ikastolen hezkuntza- proiektua ezagutzera ematea eta erronka berriei aurre egiteko baliabideak eskuratzea.

Antolaketaren ardura txandakatu egiten da, eta 2023an Ondarroako Zubi Zahar Herri Ikastolari egokitu zaio. Datorren maiatzean hirugarren aldiz ospatuko da Ibilaldia Ondarroan, aurretik 1993 eta 2011n ere egin zen eta.